Toyota Voss er i vekst og me søkjer ein aktiv og energisk verkstadsleiar som er klar for hektiske kvardager og spennande oppgåver. Me held til i heilt nye lokaler på Palmafossen og har ein ny flott moderne butikk og verkstad, i europeisk Toyota standard. Me håpar du vil vera med på laget vårt.

I denne stillinga vil du læra Toyota og kjenna. Du vil verta godt kjend med Toyota sin servicefilosofi, som krev at alle tilsette har kundeservice i hjarta og i hovudet. Verkstadleiaren får totalansvar for verkstaddrift og produksjonsplanlegging, leia og utvikla mekanikarar, kundeservice, kvalitetsikring av interne rutinar og arbeidsprosessar i verkstaden.

Me søkjer deg som har god teknisk fagkompetanse, leiareiganskaper og røynsle fra bilverksemd, fagbrev som mekanikar og som veit kor avgjerande kvalitet og god service er.

Du er omgjengeleg og løysingsorientert, villig til å leggje ned stor arbeidsinnsats og er glad i menneske. Hjå oss legg me stor vekt på eit godt arbeidsmiljø, og verdset høgt personlege eigenskapar som godt humør, positiv innstilling og gode samarbeidsevne.

Me tilbyr konkurransedyktige vilkår med pensjons- og forsikringsordning, gode arbeidstilhøve og godt miljø. Me har og bedriftshelseteneste og firmahytte.

For opplysningar om stillinga, kontakt Bjørn Senderud på tlf. 911 11 353 / 56 52 30 29.

Send skriftleg søknad og CV til: Jæger Automobil AS, v/ Bjørn Senderud, Tjukkebygdvegen 9, 5706 Voss eller e-post: bjorn.senderud@jaegerbil.no

Søknadsfrist: 29. januar 2021