Bygg- og eigdomsforvaltning (BEF) har ansvar for forvaltning, drift og vedlikehald av alle bygningane som Sunnfjord kommune eig. Dette er administrasjonslokalar, skular, barnehagar, institusjonar, kulturbygg, idrettsanlegg og kommunale bustader. BEF administrerer og utfører dagleg tilsyn, drift og vedlikehald av bygningane og dei tekniske installasjonane. Eininga har 30 tilsette der 23 er vaktmeistrar.

Vi har ledig:

100 % fast stilling som vaktmester/gartnar.

Ansvarsområdet vil primært vere som vaktmeister og gartnar ved Astruptunet, men det kan og vere aktuelt å delta i arbeid på dei kommunale bygningane i Jølster.

Den som vert tilsett vil få ta del i eit omfattande arbeid med historisk restaurering av bygningane og hageanlegget i Astruptunet. Prosjektet vil gå over 4 år.  

Vi søker deg som:

• har gode samarbeidsevner og likar å arbeide saman med andre, men kan også arbeide sjølvstendig
• likar fysisk arbeid og taklar ein hektisk arbeidskvardag
• har god serviceinnstilling
• er ansvarsfull, påliteleg og omgjengeleg
• har grunnleggande datakunnskapar
• kommuniserer godt på norsk
• har førarkort klasse B

 Det er ein fordel om du har:

• relevant fagbrev (for eksempel byggdrift, tømrer, gartnar)
• erfaring med kulturhistoriske bygg og anlegg og arbeidsmetodar bygd på antikvariske og  tradisjonelle teknikkar
• erfaring som gartnar
• erfaring innan vaktmeisteroppgåver
• liftkurs
• stillaskurs
• førarkort klasse BE

 

Du søker elektronisk.

Velkommen som søkar!