Vil du kome til vår vakre øy? Her er det moglegheit for gode opplevingar både i jobb og privat. Vakre naturopplevingar i nærområdet, jazzbyen Molde 25 min køyretur unna. Romsdalseggen 7 mil unna, kulturopplevingar både på øya og på fastlandet.

Vi treng tilkallingsvikarar i  Barnebo barnehage. Søknadsfristen er lang, men søknadar vert vurdert etter kvart som dei kjem inn.

Som ein del av rekrutteringa ynskjer vi personar som er interessert i praksis i barnehage for å sjå om dette kan være ein framtidig karriereveg.

I barnehagetenesta er barnehagelærar og fagarbeidar i barne- og ungdomsarbeidarfaget det som formelt vert kravd for fast tilsetting.

Litt om Barnebo barnehage:

Barnebo barnehage er lokalisert på øya Gossen i Aukra kommune.
Barnehagen har 102 barn organisert i 9 avdelingar på to hus. Husa ligg på eitt tun; Furutun har 4 avdelingar med barn 1 – 3 år og Aukratun har 5 avdelingar med barn 3-5 år.
Vi tilbyr eit stort fagmiljø, kor utvikling av kvaliteten på det pedagogiske innhaldet har ein sentral plass. Vi er inspirert av Reggio-Emilia- filosofien sitt syn på barn og læring, kor leiken er den viktigaste arbeidsmåten. Det er utgangspunktet for korleis vi møter barnet kvar dag.

Krav til søkar:

Du må helst være fylt 18 år
Ha godkjent politiattest
Ha god evne til kommunikasjon og samarbeid, er fleksibel og kan arbeide på tvers av avdelingar
God datakunnskap
Må beherske godt munnleg norsk, og beherske skriftleg norsk
Personleg eigna for stillinga

Særskilte krav
Det vert stilt krav om politiattest ved tiltreding.

Søkarliste:
Du kan reservere deg frå søkarlista, men må grunngjeve kvifor i søknad. Opplysningar kan bli offentleggjort sjølv om du har bedt om å ikkje bli oppført på søkarlista jmf. Offentleglova §25. Du blir varsla om reservasjon ikkje vert tatt til følge.

Søknad sendast elektronisk.

 

Litt om Aukra kommune og nærområdet:

Aukra kommune ligg på øya Gossen og fastlandet Julsundet. Det er om lag 3600 innbyggjarar.

Kommunen ligg i naturskjønne omgivelsar i havgapet, og det er difor ei perle for folk som likar aktivitetar ute i naturen.

Om du bor på øya er det knappe 25 min køyretur til Molde by (inkludert 10 min ferge). Kommunane kring Aukra byr på flotte fjellopplevingar, vi har Romsdalseggen i Rauma berre 7 mil unna, og dei kjende Midsundtrappene på naboøya Oterøya.

Kulturlivet i regionen er variert. Aukra kommune har nytt kulturhus under oppføring, med eigen svømmehall.

Molde jazz festival, Jugendfestivalen i Ålesund, Bjørnsonfestivalen, Midsundfestivalen og Raumarock er døme på populære festivalar i nærområdet.

Aukra kommune har eit rikt aktivitetstilbod. Døme på dette er treningssenter, motorsportklubb, kulturskuletilbod, Gossen idrettslag, flotte naturstiar og jakt/fiske.

Aukra kommune har flotte skule- og barnehagetilbod både på øya og fastlandet.

For deg som ynskjer å busette deg i kommunen vil du kunne finne alt frå gardsbruk til nyoppførte leiligheiter til ein fin pris. 

Vi håpar at interessa for jobben og kommunen vart vekka. Om du har spørsmål ring eller send mail til kontaktpersonen i annonsa.