Stillinga som tenesteleiar for eigdomsforvaltninga i Alver er ledig.

Eigedomsforvaltning er eitt av tre tenesteområde ved sektor Teknisk forvaltning og drift, der tenesteleiar har kommunalsjefen som næraste leiar. Tenesteleiar har ansvaret for forvaltning og investering / utvikling av alle kommunale bygg og anlegg; veg/samferdsel, vatn, avløp, formålsbygg (skular, administrasjonsbygg, sjukeheimar m.v.), idrettsanlegg, bustader. Til saman 25 tilsette, medrekna 3 avdelingsleiarar.

Dei andre to tenesteområda er ved Teknisk forvaltning og drift er Drift & vedlikehald (operative avdelingar) og Arealforvaltning (plan, byggesak, geodata, landbruk, miljø). I tillegg har vi ei felles stabsavdeling.

Tenesteleiar har heilskapleg fag-, økonomi- og personalansvar, innafor tildelte rammer. Avdelingsleiarane har det daglege ansvaret og den praktiske oppfølginga. Tenesteleiar koordinerer arbeidet i avdelingane og mellom avdelingane, tenesteområda i sektoren og andre sektorar.

Typiske oppgåver er m.a.

• kvalitetssikring og kontroll
• fagleg rettleiing
• delta i og vere ansvarleg for ulike prosjekt (både organisasjon og investering)
• presentasjonar i politiske fora
• møte med interne og eksterne partar
• sikre framdrift i oppgåver og prosjekt
• prioritere tilgjengelege ressursar
• skrive saksutgreiingar
• utvikle organisasjonskultur, arbeidsmiljø og samarbeidsklima
• utvikle faglege løysingar og standardar

Master innan planfag, ingeniørfag, geografiske samfunnsfag eller tilsvarande

Vi søkjer deg som har

• leiarerfaring, gjerne innan offentleg sektor
• erfaring frå eigedomsforvaltning og -utvikling
• erfaring frå investeringsprosjekt

Vi ønskjer at du er handlekraftig og strukturert. Det er viktig at du legg vekt på kvalitet, og at du likar å samhandle med medarbeidarar, eksterne partar og konsulentar, innbyggjarar og politikarar. Du har innbyggjarperspektivet og ønskjer å vere med på vidare innovasjon og utvikling.