Er du klar for ei stilling som kombinerer verksemdstyring, kvalitetsarbeid og politisk sekretariat?

Formål med stillinga

I denne stillinga vil du ha ei viktig rolle i å utvikle kommunen si verksemdstyring og i oppbygging og forbetring av kommunen sitt kvalitetssystem. Du skal også gi støtte og rettleiing til leiarar og tilsette i arbeid med verksemdstyring og kvalitetssystem.

Du vil ha ein sentral rolle i det politiske sekretariatet. Du vil ha jamleg kontakt med ordførar og ha ansvar for oppfølging av politikarane. Du vil også få ansvar for møtegjennomføringa for kommunestyret, formannskapet og andre råd og utval.

Du vil få ein variert kvardag med både utviklings- og administrative oppgåver.

Kvalifikasjonar

Utdanning

Vi ønsker at du har ei relevant høgare utdanning, for eksempel bachelor innan offentleg administrasjon, statsvitskap, jus eller leiing.

Erfaring

Erfaring frå offentleg sektor, spesielt innan verksemdstyring og kvalitetsarbeid er ein fordel, men du vil få støtte og opplæring av oss andre.

Kommunikasjonsevner

God norsk skriftleg og munnleg kommunikasjonsevne er viktig, då du vil ha mykje kontakt med både tilsette, leiarar og politikarar. Du må kunne skrive godt på nynorsk.

Andre eigenskapar

Gode samarbeidsevner og evne til å gi støtte og gjere andre god, er ein viktig del av jobben. Å kunne sjå moglegheiter for forbetringar og vere nysgjerrige på ny teknologi, er ein viktig eigenskap. Det er også å kunne jobbe sjølvstendig, ta initiativ og vere nøyaktig.

Vi legg vekt på at du har dei eigenskapane vi treng

 

Prøvetid
Det er gjensidig effektiv prøvetid på 6 mnd.

 

Søkarliste
Om du ønsker å reservere deg frå oppføring på offentleg søkarliste, må du opplyse om og grunngje dette i søknaden. Opplysningar kan bli offentleggjort sjølv om du har bedt om ikkje å bli oppført på søkarlista, jf. Offentleglova § 25. Du blir varsla dersom ønsket om reservasjon ikkje vert tatt til følge.

 

Søknad

Aukra kommune nyttar elektronisk søknadsbehandling. Vi ber derfor om at du fyller ut søknadsskjema via funksjonen "Søk på stilling"

Kontaktinformasjon: Servicesjef Aaslaug Søreide (900 88 578)

Søknadsfrist: 12. juni