Sommarvikar som hjelpepersonell ved Sogndal legesenter

 

Sogndal legesenter har ledig 100% sommarvikariat som hjelpepersonell i perioden 12. juni til 11. august, eller deler av perioden.

Me søkjer deg som er helsepersonell eller under utdanning i sjukepleie eller medisin.

Arbeidsoppgåver:
Aktuelle oppgåver er telefontriagering, resepsjonsarbeid og administrative oppgåver, eventuelt sårskift, spirometri, EKG, enkle pasientkontrollar og laboratoriearbeid, avhengig av kvalifikasjonar hjå søkjar.

Krav til kompetanse:
Helsesekretær/helsefagarbeidar, sjukepleiar eller student i sjukepleie eller medisin.

Krav til søkjar:
Gode evner til både sjølvstendig arbeid og lagarbeid.
Godt humør og evne til å møte pasientar og kollegaer på ein god måte.
Fleksibilitet, evne til å handtere fleire problemstillingar på ein gong, tåle avbrytingar og samstudes klare å jobbe systematisk og ryddig.
Flytande norskkunnskapar skriftleg og munnleg.
Personlege eigenskapar blir tungt vektlagde.

Me tilbyr:

Ein kompetansearbeidsplass med høg fagleg og etisk standard, godt arbeidsmiljø, varierte arbeidsoppgåver og høgt tempo.

Løn etter tariff.

 

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn.  

 
Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort. 

 

Søknadar må leverast innan fristen og må sendast inn via rekrutteringssystemet vårt  EasyCruit.