Skjerma eining ved Førde Omsorgssenter er ei eininga med 28 plassar fordelt på 2 avdelingar. 
Avdeling 1 har 16 plassar til personar med demenssjukdom. Kognitiv svikt er bebuaren si største utfordring. 
Avdeling 2 har ei open avdeling der det bur 12 bebuarar. Denne avdelinga har større pleietyngd.
Begge avdelingane har fokus på miljøarbeid, personsentrert omsorg og at bebuar skal oppleve livskvalitet i trygge rammer.  

Skjerma eining er for deg som har interesse for aldersdemens  og eldreomsorg. Vi ønskjer å vere ei teneste med eit framtidsretta fokus, der fagutvikling står sentralt. Vårt fokus er at bebuaren skal få god oppfølging og kjenne seg trygg.

Vi har følgande stilling ledig:

• 3 x 100 % fast stilling som sjukepleiar/vernepleiar ledig frå snarast.

Stillinga er organisert i turnus med arbeid dag/kveld/natt/helg.

Eininga har mange faglege utfordringar å engasjere seg i. Vi er ein del av ressurssjukepleiarnettverket for kreftomsorg og lindrande behandling i kommunane. I tillegg har vi fokus på fleire tiltak innan demensomsorg og velferdsteknologi. Vi er opptekne av fagleg kvalitet i tenestene våre og har derfor støtteordningar for relevant vidareutdanning. 

Vi oppmodar sjukepleiarstudentar og vernepleiarstudentar om å søke. Andre helsefagelege faggrupper kan og søke, men vil då bli tilsett i mellombels stilling dersom vi ikkje får kvalifiserte søkarar. 

Vi søker deg som:

• har motivasjon for å jobbe innan eldreomsorga og evne til å tileigne deg ny kunnskap
• er engasjert, jobbar sjølvstendig og er trygg på eigne avgjerder
• fungerar godt i team og har evne til å delegere oppgåver
• likar å jobbe i relasjon med menneske og er oppteken av aktiv omsorg
• er ansvarsbevisst og løysingsorientert
• er fleksibel og likar utfordringar
• bidrar til eit positivt og godt arbeidsmiljø                  
• er nytenkjande og kreativ og bidra til tenesteutvikling

Vi er ein arbeidsplass der vi ser og oppmuntrar kvarandre. Vi jobbar saman i eit tverrfagleg miljø, med høg effektivitet og kvalitet. Hos oss får du kollegaer som vil du skal trivast, og ein jobb du kan føle deg trygg i.

Arbeidsoppgåver:

• utføre praktiske oppgåver, observere tilstand og behov hos brukar
• veileder og undervisningsansvar
• samarbeide med brukarar, pårørande, fastlege og spesialisthelsetenesta
• bidra aktivt til eit helsefremjande miljø
• samarbeid med både kommunale og eksterne aktørar innan helse og omsorgsektor
• ansvar for dokumentasjon i fagprogrammet cosdoc
• samarbeid med både kommunale og eksterne aktørar innan helse, pleie og omsorg
• ansvar for dokumentasjon i fagprogrammet cosdoc

 krav til søkar:

• norsk autorisasjon som sjukepleiar eller vernepleiar
• det må leverast politiattest før tiltreding.
• må beherske godt norsk, skriftleg og munnleg
• IKT-kunnskap

 Du må søke elektronisk.

 

Velkommen som søkar!