Det er ledig ein fast 60 % stilling som SFO-leiar ved Forsand skule frå 01.01.2021.

Forsand har 140 elevar og 40 tilsette i skule og SFO. Vår visjon er at læring og trivsel går hand i hand. Dette blir reflektert i våre verdiar: Trygg, raus og engasjert.

Forsand skule ligg i naturskjønne omgjevnader med god boltreplass i skog, fjell og sjø. Skulen blei nyleg renovert og SFO-avdelinga disponerer eigne lokale med mykje utstyr og tilgang til symjehall og idrettshall. Barna skal oppleve leik og omsorg, kulturelle aktivitetar og læring - og ha godt tilsyn.

Vi søkjer ein SFO-leiar som er aktiv, sporty, fargerik og engasjert, ein leiar som kan verkeleggjera ny rammeplan for SFO som kjem i 2021 og som kan ivareta drift og utvikling av SFO på Forsand.  Vidare kan stillinga kombinerast med arbeid i skulen om ønskeleg.