Ål kommune ser etter deg som har evne til nytenking, er initiativrik og finn løysingar. Du er utviklings- og resultatorientert i arbeidet med den pedagogiske verksemda og personalet. 

Visjonen for oppvekstsektoren er å bidra til at alle som veks opp i Ål skal bli flygedyktige og rotfaste. Bruke vengene for å få innsikt, vidsyn og perspektiv – feste røter for å meistre eigne liv og tru på eigne krefter. Skulen i Ål skal vera ein inspirerande føregangsskule, med fokus på langsiktig og systematisk utviklingsarbeid basert på forsking.

Ein skuleleiar i Ål er ein pådrivar for å oppnå resultat, tenke heilskapleg, kunne vera nyskapande og har evne til å gjennomføre vedtatte endringar. Leiaren må vera tydeleg om kva mål og forventningar som gjeld; og kunne skape gode relasjonar til elevar, tilsette, føresette og andre kompetansemiljø. Ål kommune nyttar nynorsk som målform.

Du har gjerne innsikt i og evne til god økonomistyring. I samsvar med mål og forventningar vil rektor sørge for optimal utnytting av ressursane; og i samarbeid med elevar, føresette og tilsette ivareta skulens omdømme og plass i lokalmiljøet. I skulens adminstrasjon er det ei merkantil sekretærstilling på 100% samt assisterande rektorstilling på 100%. Det vil bli gitt fagstøtte og opplæring i økonomi og administrasjon innafor ansvarsområda frå sentraltenesta. 

Som rektor i Ål blir du ein del av eit rektorkollegium, og eit regionalt rektornettverk med god kollegastøtte. Strategidokumentet "Betre læring 2022-2025" er eit viktig styringsverktøy for oppvekstsektoren og skulane i Ål. Planverket skal styre og samordne innsatsen for – på beste måte – å ta hand om læringsmandatet. Rektor rapporterar til kommunalsjef for oppvekst. Tenkjer du at dette kan vere interessant og spennande, er Ål kommune rett stad for deg!

Kvalifikasjonar

• minimum 3-årig bachelor i pedagogikk, lærarutdanning eller tilsvarande
• ynskjeleg med godkjent kompetanse for undervisning i ungdomsskulen, jf. Opplæringslova kap. 10 og forskrift til Opplæringslova kap.14 §§ 14-3
• relevant leiarerfaring fortrinnsvis frå ungdomsskule
• gjerne rektorutdanning eller anna relevant leiarutdanning
• god kjennskap til relevant lovverk
• god digital kompetanse

Personlege eigenskaper vert vektlagt.

Me tilbyr

• eit triveleg kollegium kor du er er med å utvikle oppvekstsektoren i Ål og regionen gjennom regionale nettverk
• som rektor ilag med 11 andre avdelingsleiarar er du med på å utvikle oppvekstsektoren på Ål
• Ål ungdommskule er ein skule med høg fagkompetanse og spennande profesjonsfellesskap
• Ål kommune har også eigne leiarprogram og kursrekker
• lønn etter avtale og gode pensjons- og forsikringsordningar
• arbeidsforholdet er regulert av Hovudtariffavtala

Send søknad

Vitnemål og attestar legg du inn saman med søknaden.