Om stillinga 

Me søkjer rektor ved Sagatun skule frå kommande skuleår. Skulen ligg idyllisk til i bygda Balestrand med stort uteområde og utsikt utover Sognefjorden og med skogen og Balestrandsfjella like bak. Du møter spennande natur kor du snur deg og eit nærområde som innbyr til variert og inkluderande opplæring. 

Som rektor ved Sagatun skule skal du leia omlag 20  tilsette som brenn for elevane. Tal elevar ligg på om lag 115  frå 1. til og med 10. trinn. Elevane kjem frå Fjordane, Dragsvik, utover mot Nessane og frå sentrum i Balestrand  Alle på skulen skal møtast med respekt og positivitet som gjer at ein skapar eit godt, motiverande og trygt læringsmiljø for elevane og eit utviklande og spennande arbeidsmiljø for dei tilsette.  

Skulen har godt kvalifiserte lærarar og tilsette som samarbeider på dei ulike trinna. Sagatun tilbyr skulefritidsordning for elevane på 1.- 4.trinn. Skulen  samarbeider med idrettslaget og Sygna vgs om bruk av idrettsbana, Kreklingen stadion og idrettshallen, Belehalli.  Bygda Balestrand har også mykje å by på innanfor  friluftsliv, kunst og kultur. Det er berre kreativiteten som set grenser for å utnytte bygda sine ressursar i opplæringa.  

Skulen er også ein del av ein større heilskap – Sogndalsskulen. Som rektor er du også ein del av fellesskapet for skuleleiarar i ein ny og  relativt stor organisasjon. Gjennom samarbeid og erfaringsutveksling skal du og dine tilsette sikra god kvalitet og utvikling for elevane uavhengig av kvar ein bur i den langstrakte kommunen.