Kort om stillinga

Det er ledig 100 % fast stilling som rektor ved Sæbø skule frå 01.01.2022.

Som rektor i Alver kommune har du eit heilskapleg ansvar for innhald og drift ved skulen. Du deltek i fast samarbeid med andre skuleleiarar i kommunen og rapporterer direkte till tenesteleiar for skule.

Om Sæbø skule
Sæbø skule er ein moderne skule med fleksible læringsarealer. Skulen har eit rikt og stort uteområde, med gode mogelegheiter for å bruke utearealet som læringsarena. I skulen sitt nærområde finn ein områder med skog, fjell, og sjø i nærleiken til skulen.

Skulen visjon: «Livsglede og lærelyst»
- Trygge, inkluderte, robuste og glade elevar som lærar saman –

Skulen har eit godt og inkluderande arbeidsmiljø, der kvar einskild sine kvalitetar blir vektlagt. Det kollektive står sterkt og vi «løftar i lag». Vi ønskjer å ha god fagleg kvalitet på undervisninga og arbeider kontinuerleg for å utvikle god kultur for læring i profesjonsfellesskapet, der elevane si meistringskjensle og faglege og sosiale utvikling står sentralt.

Ordninga med trivselsleiarar er godt etablert på skulen, og vi har eit aktivt og engasjert elevråd.

Vi har ei engasjert og støttande foreldregruppe, og eit aktivt lokalmiljø som støttar opp om skulen gjennom aktivitetar på ettermiddag og kveldstid.

Vi er om lag 90 elevar, der ca. 30 elevar går på SFO.

Skulen har ca. 22 tilsette. Pedagogar, fagarbeidarar og ein miljørettleiar.

Arbeidsoppgåver
Alver kommune har høge ambisjonar på vegne av oppvekstsektoren, og alle tilsette skal arbeide for å nå den overordna målsetjinga vår: "Trygge barn som deltar, meistrar og lærer." 

Som rektor skal du også:

• Vidareføre eit godt skule-heim-samarbeid
• Samarbeide om felles utvikling av skulane i Alver
• Samarbeide med andre sektorar om eit godt tilbod til elevane

Kvalifikasjonar:

• Godkjend pedagogisk utdanning og erfaring frå skuleverket
• Ønskjeleg med rektor /skuleleiarerfaring og skuleleiarutdanning
• God system- og rolleforståing
• Kommunisere godt, både skriftleg og munnleg
• Fagleg oppdatert om skuleutvikling og læreplanforståing
• God økonomiforståing og evne til å prioritere innanfor budsjettrammene
• Ønskjeleg med god kjennskap til lov- og avtaleverk og personalleiing

Personlege eigenskapar

Du må kunne byggje tillit og relasjonar til både elevar, tilsette og foreldre. Du har gode samarbeidsevner, og er løysingsorientert. Vi ser etter ein lærande og engasjerande leiar som har stor arbeidskapasitet og gjennomføringsevne.

Vi tilbyr

• Eit fagleg dyktig kollegium.
• Eit godt profesjonsfelleskap blant skuleleiarar
• Ein støttande og utviklingsorientert oppvekstsektor
• Leiaropplæring
• Løn etter avtale basert på utdanning og røynsle
• Gode pensjons- og forsikringsordningar

Politiattest

Det er krav om godkjend politiattest etter opplæringslova ved tiltreding.

Slik søker du

Trykk knappen "send søknad". Dess meir du fyller ut, dess betre vert du sjåande ut på søkjarlista. Dersom du har behov for hjelp med registrering av søknad, kontakt innbyggjarservice på 56 37 50 00.

Slik søker du

Trykk knappen "send søknad". Dess meir du fyller ut, dess betre vert du sjåande ut på søkjarlista. Dersom du har behov for hjelp med registrering av søknad, kontakt innbyggjarservice på 56 37 50 00. 

 

Bli kjent med Alver kommune