Frå 1. januar 2020  vert PP-tenesta ei eining i nye Sunnfjord kommune og vil få oppgåver for born og unge i alderen 0 - 16 år. PPT skal yte tenester til barnehagar og grunnskular i ein kommune med ca. 23 000 innbyggarar. Pedagogisk-psykologisk teneste er heimla i barnehagelova §19c, og i opplæringslova § 5-6.

Det er laga grunnlagsdokument for PPT, barnehagane og skulane sitt arbeid framover. Korleis PP-tenesta skal bemannast, arbeide og organiserast vert planlagt vidare når Sunnfjord kommune er etablert. Det er gode høve for å vere med å utforme tenestetilbodet i ei verksemd med mangesidige og spennande oppgåver.

Kontoret har for tida 15 årsverk, bemanna med psykologar, spesialpedagogar, sosionom, PMTO-terapeut, Pals-rettleiar, kontorpersonale og einingsleiar. Vi er organisert i førskule-, grunnskule-, og ungdomsteam, og legg vekt på å ha eit positivt og støttande arbeidsmiljø. Eininga har ei god blanding av eldre og yngre tilsette med spesialiserte utdanningar. Mange har lang og brei erfaring, og har vore i eininga i mange år.

Eininga held for tida til i Førde rådhus.

Vi har følgande stillingar ledig:

• pp-rådgivar i 100 % fast stilling
• pp-rådgivar i 100 % mellombels stilling. Kan bli fast stilling.

Arbeidsoppgåver:

• systemretta og individretta arbeid i samsvar med mål for tenesta
• sakkunnig arbeid etter barnehage- og opplæringslova
• konsultasjon, rettleiing og rådgiving til barnehagar og skular
• observasjon, kartlegging og utgreiing av born og unge
• samarbeid med føresette, barnehagar, skular og hjelpeapparat
• utvikling- og endringsarbeid i barnehagar og skular

Kvalifikasjonar:

• master eller hovedfag i spesialpedagogikk, eller relevant utdanning innanfor sentrale fagområder i tenesta
• praksis frå arbeid med barn og unge i barnehage, skule, PP-teneste eller tilsvarande instansar
• relevant test-, utgreiings- og rådgivingskompetanse

Ved tilsetting legg vi vekt på:

• at du dekker sentrale oppgåver for PP-tenesta
• gode kommunikasjons- og samarbeidsevner, og evne til fleksibilitet
• evne til å motivere og arbeide målretta, strukturert og effektivt
• at ein må kunne arbeide i team, og samtidig vere sjølvstendig og målretta
• at ein har god norsk språkføring, både munnleg og skriftleg

Politiattest må leverast før start i stilling.

 

Velkomen som søkar!