Vil du bli vår nye geodata/landmålar kollega på eining for plan- og byggesak? Eininga består av engasjerte medarbeidarar med ulik fagbakgrunn. Eininga har ansvar for overordna arealplanar, områdeplanar, reguleringsplanar, byggesak og geodata.

Me søker etter ein som er glad i å vere ute i natur med måleutstyr og ivrar for kart og GIS-analyser. Me leitar etter deg som vil vera med å heva kvaliteten på matrikkelen og laga underlag for prosjekt/planar, har gode samarbeidsevne, kan jobbe tverrfagleg, har god forståing for detaljar, samtidig som du har evne til å ha ei god og samla oversikt. Du er kreativ, strukturert, nøyaktig og profesjonell.

 

Arbeidsoppgåver

• Følgje ei oppmålingssak frå mottak til arkivering
• Gjennomføre oppmålingsforretningar etter matrikkellova, med kjennskap til eigarseksjonslova og plan- og bygningslova
• Sakshandsama etter matrikkellova, matrikkelføring og matrikkelforbetring
• GIS- og kartforvaltning med vedlikehald av kartbaser og innmåling av relevante data.
• GIS-analyser som underlag for mellom anna offentlege arealplanar

Kvalifikasjonar

• Bachelor eller master innan geomatikk/landmålingsfag/eigedomsfag
• Kjennskap til bruk og anvending av oppmålingsutstyr som eigedomslandmålar
• Samla kompetanse som oppfyller krava for utstedelse av landmålarbrev i samsvar med den nye autorisasjonsordninga for eigedomslandmålarar er ønskjeleg
• Godkjent matrikkelførarkurs, eller vera villig til å gjennomføra dette for å verta godkjend matrikkelførar
• Kunnskap om matrikkellova, plan- og bygningslova og andre relevante lover og standardar
• Gode IKT-kunnskaper og god forståing for system innan GIS og oppmåling
• God skriftleg og munnleg framstillingsevne på norsk/nynorsk
• Førarkort klasse B er naudsynt

Personlege eigenskapar

• Gode samarbeids- og kommunikasjonsevner, serviceinnstilt og effektiv, ryddig og omgjengeleg og trivst i dialog med andre menneske
• Har stor arbeidskapasitet, er fleksibel og ser løysingar.
• Arbeide sjølstendig og i tillegg kunne arbeida godt i eit team
• Du er kreativ, strukturert, nøyaktig og profesjonell.
• har fokus på systematisk arbeid med kontinuerleg utvikling av tenesta
• Interesse og kunnskap om å utføre praktisk oppmålingsarbeid
  

Vi tilbyr

• Eit godt arbeidsmiljø der me jobbar godt saman for å utvikla kvarandre og tenestene
• Høve til personleg og fagleg utvikling
• Løn etter gjeldande tariffavtale og lokalt lønssystem
• Gode pensjons-/og forsikringsordningar

Generell informasjon
Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne. I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta. Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.