Kort om stillinga

 18% stilling som kombinert musikkterapeut/pedagog i Alver kulturskule. Den som får tilbod om stillinga vert tilsett i Alver kommune, med tenestestad Alver kulturskule. Undervisninga er samansett av musikkterapi, gruppeundervisning og undervisning av nybyrjarar på piano og gitar.

Dersom det vert endring av elevgrunnlag eller personalsamansetjing ved skulen må evt. endring av undervisningsstad og stillingsinnhald kunne påreknast. Som tilsett i Alver kommune har ein også plikt til oppmøte på stabs- og planleggingsmøta i kulturskulen som ein del av stillinga. Talet møte vert rekna ut etter stillingsstorleik.

 

Om Alver Kulturskule

 Kulturskulen i Alver er ein svært viktig del av kulturlivet i kommunen. Kulturskulen tilbyr undervisning innan kunstformane musikk, teater, dans og visuell kunst. Undervisninga er desentralisert, men med hovudvekt av undervisninga på kulturskulesentra på Manger, Frekhaug og i Knarvik.

Arbeidsoppgåver 

• Undervisning av elevar åleine og i grupper samansett på grunnlag av alder og geografi i tillegg til samarbeid med andre kulturskuledisiplinar og lokalt lagsliv.
•  Tilrettelegging og utarbeiding av planar, møteverksemd og samarbeid med kulturskuleadministrasjonen. 

Ønskt kompetanse

• Relevant kulturfagleg og pedagogisk høgskuleutdanning og relevant erfaring.

• Personlege eigenskapar som engasjement og initiativ, og glede i å undervise born og unge vert vektlagt.

Vi tilbyr

 Lønn- og tilsetjingsvilkår i samsvar med lov- og avtaleverk.

 Politiattest

I tråd med Opplæringslova § 10-9  vert det stilt krav om tilfredsstillande politiattest ved tiltrede.

Slik søker du

Er dette jobben for deg? Då ønskjer vi å høyre frå deg. Dess meir du fyller ut i søknaden, dess betre vert du sjåande ut på søkjarlista. Dersom du har behov for hjelp med registrering av søknad, kontakt innbyggjarservice på 56 37 50 00. Rekrutterarar ber aldri om BankID i samband med rekrutteringsprosessen. Som jobbsøkjar må du aldri avgje sånn informasjon i samband med søknadsprosessen. Om du opplever dette, ber vi deg ta kontakt.