Sogndal kommune har ledig fast stilling som miljøterapeut i Bu- og miljøtenesta i sone Sogndal, ambulant team. Stillinga er ledig frå snarast. Arbeidsgjevar tek atterhald om at det kan kome fleire faste stillingar/vikariat i utlysingsperiode som og kan bli handsama med same søkjargruppe. 

Bu- og miljøtenesta i Sogndal kommune yter tenester til menneske med ulike typar nedsett funksjonsevne. Pasient- og brukargrupper er personar med funksjonsnedsetting som skuldast medfødde eller erverva tilstandar. Tenesta omfattar personleg assistanse, opplæring i dagleglivet, tilrettelagde bustadar, dagtilbod og fritidstilbod. 

 

Arbeidsoppgåver: 

Som tilsett i Bu- og miljøtenesta sone Sogndal, vil du jobbe målretta inn mot tenestemottakar ut frå tiltaksplan som er utarbeida i samarbeid med spesialisthelsetenesta og kommunehelsetenesta. Du må kunne jobbe sjølvstendig, men også i team.  

Tenesta har fokus på kvalitet og sikkerheit, og ein pliktar å følgje gjeldande lovverk, avtaleverk og forskrifter.  

Det er eit overordna mål å sikre tenestemottakarane ein trygg og føreseieleg kvardag der tenesteutøvinga bidreg til vekst og utvikling. Det vil bli lagt vekt på personlege eigenskapar som respekt, toleranse, tolmod og evne til å handtere krevjande situasjonar. Dette i godt samarbeid med tenestemottakar, pårørande og kollegaer internt og eksternt. 

 

Sentrale ansvarsområde: 

• Målretta miljøarbeid 
• Journalføring 
• Bistand til daglege gjeremål 
• Ivareta tenestemottakar si sjølvstendigheit og utvikling 
• Motivere til aktivitet, trening og sosialisering 
• Bidra til god livskvalitet, gode relasjonar og eit godt arbeidsmiljø 
• Primærkontakt- og koordinatoroppgåver kan bli delegert frå leiar 
• Andre oppgåver ved behov 

Kvalifikasjonar: 

• 3- årig helse-sosial- eller pedagogiske fag frå høgskule og/eller universitetsnivå 
• Krav om plettfri vandel 
• Beherske norsk skriftleg og munnleg 
• Førarkort klasse B 
• Fordel med erfaring frå arbeid med menneske med nedsett funksjonshemming 
• Fordel med kjennskap til Gerica, Microsoft 365 og Visma flyt ressursstyring 

 

 Personlege eigenskapar: 

• Omsorgsfull 
• Skape tillit til tenestemottakar og kollegaer 
• Motiverande 
• Løysingsorientert og fleksibel 
• Glad i å skape gode resultat saman med andre 

  

Spesielle vilkår for stillinga: 

Den som vert tilsett må leggje fram: 

- Tuberkolose/MRSA-skjema, evt. Tuberkulinattest av ny dato 

- Politiattest av ny dato 

  

Me tilbyr: 

· Ein spanande jobb i eit godt arbeidsmiljø. 

· Gode pensjons- og forsikringsordningar 

· Gode velferdsordningar 

· Løn etter tariff 

 

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Søknadar må leverast innan fristen og må sendast inn via rekrutteringssystemet vårt EasyCruit.