Trudvang skule er ein 1-5 skule med 3 / 4 parallellar på kvart trinn og omlag 385 elevar fordelt på 17 klassar. Det er omlag 70 tilsette på skulen og i SFO. Skulen ligg sentralt i Sogndal sentrum. Trudvang skule har aukande elevtal, og det er politisk vedtak på å bygge ny og større skule. Det er og gjort vedtak på at den nye Trudvang skule skal vere ein 1-7 skule som skal kunne huse 700 elevar når den er ferdig. Leiinga ved skulen vil dei næraste åra ha fokus både på dagleg drift og etableringa av den nye skulen. Trudvang er ein føregangsskule når det gjeld å nytte miljørettleiarar, og har i dag ei breitt samansett personalgruppe. SFO-drifta er sentrert rundt ein fellesbase med tilhøyrande aktivitetsrom.

Me har no ledig desse stillingane frå neste skuleår:   

• 4 miljørettleiarar/fagarbeidar i fast stilling 80% 
• 2 miljørettleiarar/fagarbeidar i årsvikariat 80%

 

Stillingsprosentane kan bli justerte og det kan også bli endringar i behovet fram mot skulestart.  

 

Arbeidsoppgåver: 

• Stillingane inneber jobbing både i skule- og SFO tida.  
• Jobbing i klassar og styrking og oppfølging av barn.  

 

Kvalifikasjonar: 

•  Miljørettleiar, fagarbeidar eller erfaring med barn og unge. 

 

Ved Trudvang skule tilbyr me: 

• Ein spanande jobb i eit godt og triveleg arbeidsmiljø med dyktige medarbeidarar. 
• Gode pensjons- og forsikringsordningar 
• Gode velferdsordningar 
• Løn etter avtaleverket 

 

Utlysinga gjeld og for andre miljørettleiarstillingar som eventuelt vert ledige for skuleåret 2024-2025. 

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Søknadar må leverast innan fristen og må sendast inn via rekrutteringssystemet vårt EasyCruit.