Vi har ledig stilling som miljøarbeidar i Integreringstenesta frå august 2023. Fjaler kommune har busett nærare 100 flyktningar sidan 2015, og vil etter planen busetje fleire i åra som kjem. For tida er det 2 faste stillingar i tenesta. Frå 1. august vert Kommunalsjef kultur og samfunnsutvikling næraste overordna.

Som miljøarbeidar hos oss, vil du ha tett samarbeid med dei 2 andre tilsette og leiaren i Integreringstenesta. Du vil i hovudsak ha praktiske oppgåver i samband med mottak av nye flyktningar og rettleiing og hjelp til dei som allereie er busett i kommunen. Det er viktig at du er god på å skape relasjonar og har interesse for å drive godt integreringsarbeid.

Kan dette vere noko for deg? Ta gjerne kontakt med oss for å få vite meir, vi ser fram til å høyre frå deg.

 

Arbeidsoppgåver 

• Rettleiing og oppfølging av deltakarar i introduksjonsprogrammet
• Kontakt med arbeidsgjevarar og oppfølging av deltakarar i språkpraksis
• Praktisk arbeid i samband med busetjing
• Rettleiing på personleg økonomi og bustad
• Oppfølging fritid barn og unge
• Samarbeid med frivillige lag og organisasjonar
• Vere med å sikre god oppfølging av den einskilde i samarbeid med mellom anna lege/helsestasjon, skule/barnehage, vaksenopplæring og NAV.
• Noko arbeid på ettermiddags-/kveldstid kan bli aktuelt i periodar

Kvalifikasjonar

• Minimum helsefagarbeidar eller barne- og ungdomsarbeidar
• Erfaring frå arbeid med rettleiing av menneske er ein føremon, men ikkje noko krav
• Førarkort klasse B
• Den som vert tilsett må legge fram godkjend politi- og tuberkulinattest

Personlege eigenskapar

• Interesse for integreringsarbeid
• Gode samarbeids- og kommunikasjonsevner
• Evne til å arbeide løysingsorientert, strukturert og sjølvstendig
• Fleksibel, som gjer at du raskt kan gå frå den eine til den andre oppgåva

Vi tilbyr

• Løn etter utdanning og erfaring
• Gode pensjons- og forsikringsordningar
• Godt arbeidsmiljø med trivelege kollegaer

 

Vi gjer merksam på at søkjarliste med namn, kjønn, alder og noverande stilling i utgangspunktet er offentleg.
Dersom det ikkje er særlege grunnar for å unnta offentleggjering, vil søkjaren verte kontakta og få høve til å trekke søknaden sin før søkjarliste vert gjort offentleg.