Er du serviceinnstilt, glad i utfordringar og likar å jobba med bilar og maskiner ? Då er det gjerne du som kan sjå fram til ein variert arbeidskvardag saman med oss.

• Me har ledig 100 % stilling i avdeling veg og anlegg frå snarast
• Har du utdanning og arbeidserfaring som mekanikar innan bilfag/anlegg/landbruk/industri, oppmodar me deg om å søkja
• I denne stillinga får du jobba inne på verkstaden og ute med førefallande vedlikehaldsarbeid

Avdeling veg og anlegg har 6 tilsette (5 operatørar og 1 driftsleiar). Avdelinga har ansvaret for drift og vedlikehald av ca. 110 km kommunale vegar, bilar og maskiner som ligg under teknisk. 

Arbeidsoppgåver

• Drift, vedlikehald og reparasjonsarbeid av kommunale bilar, maskiner og utstyr
• Drift av verkstad og innkjøp som høyrer til verkstadrifta
• Ansvar for at bilparken er EU godkjent og maskinpark er sertifisert til ei kvar tid
• Utføra vintervedlikehald og andre førefallande vedlikehaldsoppgåver
• Delta i vaktordning bl.a. knytt til vintervedlikehald og beredskap

Kvalifikasjonar

• Fagbrev som mekanikar innan bilfag/anlegg/landbruk/industri. Relevant arbeidserfaring kan vega opp for manglande formell utdanning
• God norskkunnskap munnleg og skriftleg, tilsvarande B2
• I tillegg ønskjer me at du har:
• Erfaring med liknande arbeidsoppgåver
• Maskinførarbevis på gravemaskin og hjullastar
• Førarkort klasse C
• Kransertifikat G8
• Trucksertifikat

Personlege eigenskapar

• Me søkjer deg som:
• Har god digital kompetanse og har interesse for fagfeltet
• Er fleksibel, positiv og lojal
• Tek ansvar, arbeider sjølvstendig og strukturert
• Samarbeider godt med andre, også på tvers av fagfelt

Vi tilbyr

• Varierte, spanande og utfordrande oppgåver på ein triveleg arbeidsplass
• Mykje kontakt med kundar og publikum
• Løn etter gjeldande tariffavtale og lokalt lønssystem
• Gode pensjons-/og forsikringsordningar

Generell informasjon:

Ber om at du legg inn vitnemål og attestar saman med søknaden i Webcruiter

I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta.

Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.