Fjaler kommune har leidig ei 100% fast stilling som leiar for HAFS interkommunale barnevernsteneste.

HAFS barnevernteneste jobbar for å finne gode løysingar for barn og føresette i Hyllestad, Askvoll, Fjaler og Solund. Eininga har ti stillingar med engasjerte medarbeidarar som samarbeider om å løyse utfordringar og sjå moglegheiter til det beste for barn og familiar i regionen.

No søker vi deg som trur på barn og foreldre sine ibuande ressursar og kan syne retninga vidare for medarbeidarane dine. Du vil ha kontor i Dale i nye, hyggelege lokale. Her jobbar du i eit tverrfagleg team med låg terskel for å søke støtte og råd hos kollegaene. Vi har eit godt og inkluderande arbeidsmiljø, og tek gjerne eit kjapt møte i sofaen for å drøfte ulike problemstillingar.

Som leiar er det viktig at du ser dei store linjene og tek ansvar for å oppnå gode resultat og god drift av tenesta. Vi jobbar kontinuerleg med å gi rett hjelp til riktig tid på rett nivå.

Du kan vere med og forme framtidas barnevern

Barnevernsfeltet er inne i ei tid med stor utvikling, og som leiar kan du vere med på å forme ei barnevernteneste for framtida. HAFS barnevernteneste deltek i ulike utviklingsprosjekt for å gje eit godt fagleg tilbod, og leiar har ei viktig rolle her. Du vil ha medansvar for oppfølginga av vedtekne planar og skal sørge for at tenesta er deltakande i viktige samarbeidsfora i HAFS.

Vi vektlegg å møte barn, familiar og samarbeidspartar der dei høyrer til, noko som betyr ein del reiseverksemd i arbeidet.  

Arbeidsoppgåver

• Hovudansvar for å drive eit best mogleg tenestetilbod for barn, deira familiar og nettverk
• Rettleie tilsette og bidra til kompetanseutvikling i tenesta
• Koordinering, samarbeid og samhandling internt, samt bidra til godt tverrfagleg samarbeid med andre samarbeidspartar
• Økonomisk planlegging, budsjettering og rapportering 
• Bidra til utvikling av eit godt tenestetilbod i tråd med gjeldande føringar og lovverk 

 

Kvalifikasjonar

• Utdanning som barnevernspedagog /sosionom
• Erfaring frå arbeid i barneverntenesta eller liknande
• Relevant leiarerfaring
• God norsk munnleg og skriftleg framstillingevne
• Førarkort klasse B
• Godkjend politi- og tuberkulinattest

 Det blir vektlagt om ein er personleg egna til stillinga

Personlege eigenskapar

• Tydeleg, handlekraftig og fagleg sterk
• Inkluderande og motiverande leiarstil
• Evne til å bygge tillit og relasjonar
• Du toler uføresette hendingar
• Du er oppteken av å møte tilsette, brukarar og samarbeidspartar på ein audmjuk og trygg måte

 

Om du ønskjer ein givande og utfordrande jobb vil vi gjerne høyre i frå deg. Saman kan vi gjere ein forskjell for barn, unge og familiar i HAFS.

 

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren verte kontakta og få høve til å trekke søknaden sin før søkjarliste vert gjort offentleg.