Hemsedal kommune har ledig stilling som plan- og byggsjef. Avdelinga har for tida 8 årsverk som jobbar tett på kommunen sine innbyggjarar, politikarar og resten av kommunen sin administrasjon. Viktige forvaltningsoppgåver er areal- og kommuneplaner, byggesak, matrikkel, kart/ og geodata. Leiar inngår i leiargruppa til teknisk etat, og rapporterer til etatsleiar. Teknisk etat består av 34 årsverk, og har i tillegg ansvar for teknisk drift og kommunal eigedomsforvaltning.  

Arbeidsoppgåver som er lagt til stillinga:

• Leiaransvar for plan og bygg.
• Saksbehandling med hovedvekt på plan- og byggesaksforvaltning.
• Drifts- og utviklingsansvar for avdelinga, mellom anna innafor personal og økonomi.
• Utviklingsorientert forvaltning mot det «grøne skifte».       
• Stillinga kan tilleggast andre oppgåver innafor avdelinga sine ansvarsområder. 

Ønskja kvalifikasjonar:

• Relevant leiarerfaring frå privat eller offentleg sektor. 
• Plan- eller byggfagleg utdanning frå universitet eller høgskule.
• Erfaring / kjennskap til offentleg forvaltning innafor fagområda plan, og byggesak.
• God munnleg og skriftleg framstilling.
• Evne til å forene forvaltning, samfunn og næring i ein vekstkommune.

Personlege eigenskapar:

• God rolleforståing i samspel mellom administrasjon, politikk og fag.
• Løysingsorientert og gode samarbeidsevner.
• Ryddig og strukturert.
• Evne til å jobbe sjølvstendig og i team.
• Personleg eignaheit vert tillagt vekt.

 Vi tilbyr:

• Godt arbeidsmiljø.
• Dyktige medarbeidarar.
• Spennande oppgåver i ein vekstkommune.

 Generell informasjon:

• Søkjarlister er offentlege.
• Søknader skal registrerast elektronisk på vår webside.
• Løns- og arbeidsvilkår etter gjeldande lov- og avtaleverk.
• Medlemskap i Kommunal landspensjonskasse (KLP).
• Nynorsk er tenestesmål jf målbruksplan, og det er ønskeleg at tilsette beherskar språket.
• Vi oppfordrar til likestilling og rekruttering av arbeidstakarar med ulik bakgrunn jf HA § 7.

Elektronisk søknadsprosess:

Ved elektronisk søknad vil det automatisk bli generert ein CV utifrå opplysningane som blir lagt inn. Vitnemål og attestar kan lastas opp og blir da ein del av den elektroniske søknaden. Referansar vil bli innhenta.

Kontakt postmottak@hemsedal.kommune.no ved utfordringar i søknadsprosessen. Vi ser fram til å motta din søknad og ønskjer deg velkommen som søkjar her i Hemsedal kommune.

Andre ledige stillingar i Hallingdal (NAV)

Flå, Gol, Hemsedal, Hol, Nes og Ål er dei seks kommunane i Hallingdal. Vi har eit godt samarbeid og avstanden mellom oss er slik at det er mogleg å bu i ein kommune og jobbe i ei anna kommune. På vår webside finn du link til dei andre kommunene i Hallingdal sine websider. Der kan du søke deg fram til å finne ledige stillingar for den enkelte kommune. På www.nav.no finn du også stillingar som ikkje er kommunale.