Frå 1. august -25 er det ledig 140% faste lærarstillingar i Ål kommune, pt ved Nordbygdene skule.

Grunnskule
Vi søkjer lærarar som brenn for å utvikle spennande, innovativ og praksisnær undervisning i samarbeid med elevar og kollegaer i profesjonelle lærande fellesskap. Vi treng lærarar som er gode på klasseleiing, relasjonsbygging og samarbeid, som har omsorg for elevane og skapar trygge gode klasse- og læringsmiljø der elevane trivst og lærer. Det er spesielt behov for lærarar med undervisningskompetanse i faga norsk, matematikk og engelsk. Kompetanse og erfaring frå arbeid med barn med behov for tilrettelagt støtte er ønskeleg. Vi treng lærarar som kan vera kontaktlærar og som brenn for å jobbe med begynneropplæring/dei yngste/småtrinnet.

Skulane i Ål
Ål kommune har ein desentralisert skulestruktur med både små og litt større skular; Torpo skule, Nordbygdene skule og Nedre-Ål skule. Frå 8. trinn blir alle elevane samla ved Ål ungdomsskule. Gjennom målretta arbeid med kompetanseutvikling og lokale handlingsplanar ønskjer kommunen å utvikle gode profesjonsfellesskap ved skulane våre.

Nordbygdene skule er grendeskulen til bygdene Votndalen, Leveld og Vats, og ligg langs Nordbygdvegen i Leveld. Nordbygdene skule er ein barneskule med 50 elevar fordelt på 1-7 trinn der klassane er organisert fådelt. Nordbygdene barnehage held også til her, og uteleikeplassen er felles med barnehagen.

Kvalifikasjonar

• godkjent undervisningskompetanse jf. opplæringslova § 10-1 og 10-2 og forskrift til opplæringslova kapittel 14, sjå særleg §§ 14-1 til 14-3
• før opp i søknaden kva fag du har undervisningskompetanse innanfor

Personlege eigenskapar
Personlege eigenskapar blir vektlagde. Vi søkjer deg som:

• brenn for læraryrket og ønsker å bidra til god læring for elevane
• er tydeleg på klasseleiing og har evne til å skape gode relasjonar til barn, føresette og kollegaer
• er positiv, fleksibel og løysingsorientert
• har god digital kompetanse og evne til å vurdere når det er føremålstenleg for elevane å arbeide digitalt
• ønsker å delta i skulen sitt fellesskap, både fagleg og sosialt
• har engasjement for elevane sitt læringsfellesskap

Våre lærarar må ha god evne til munnleg og skriftleg framstilling. Ål kommune nyttar nynorsk som målform.

Vi tilbyr

• godt og utviklande arbeidsmiljø
• rettleiing i to år for nyutdanna lærarar
• skule som er engasjert i pedagogisk utviklingsarbeid og kompetanseheving
• miljørettleiarar ved skulen
• lønn etter gjeldande tariffavtale
• arbeidsforholdet er regulert av Hovudtariffavtala

Send søknad

• Vitnemål og attestar legg du inn saman med søknaden.
• Dei som blir tilsette må legge fram politiattest som ikkje er eldre enn tre månader.
• Kommunen følgjer offentleglova § 25 ved eventuell offentleggjering av søkjarlista. 

Velkomen som søkjar!