Kvam herad femner om eit vakkert landskap frå Hardangerfjorden til Kvamskogen. Heradet har om lag 8500 innbyggjarar, og omlag 80 % er medlemer i DNK. Informasjon om geografi, kultur, næringsliv og heradet i det heile finn ein på www.kvam.no/velkomen-til-kvam/

 

Me har ledig stilling som Kyrkjeverje i 100% fast stilling frå 1. april 2027.

Kyrkjeverja sine oppgåver

• Dagleg leiar for verksemda til fellesrådet i samsvar med gjeldande kyrkjeleg regelverk, planar, budsjett og vedtak, med ansvar for 5 kyrkjer og 6 kyrkjegardar
  
• Ivareta fellesrådet sine oppgåver som gravplassmynde i Kvam, med dagleg bruk av ulike digitale fagprogram.
  
• Leiing og administrasjon, saksførebuing for fellesrådet og oppfølging og iverksetjing av vedtak.
  
• Personal- og arbeidsgjevaransvar for dei tilsette i fellesrådet, med ansvar for arbeidsmiljø og HMT.
  
• Ansvar for budsjett, økonomistyring og rapportering, og overordna ansvar for forvaltning, drift, vedlikehald og utvikling av kyrkjer, gravplassar og andre eigedomar.
  
• Strategi-, plan- og utviklingsarbeid, og fremja godt samarbeid mellom prost og fellesråd, sokneråd, prestetenesta, Kvam herad og andre kyrkjelege og offentlege samarbeidspartar.
  

Me ynskjer kyrkjeverje/dagleg leiar med

• Relevant universitets/høgskuleutdanning, eller anna relevant utdanning og realkompetanse for stillinga.
  
• Erfaring frå leiing, forvaltning, økonomistyring og sakshandsaming.
  
• Kjennskap til organisering og regelverk innan Den norske kyrkja.
  
• Gode evner til strategisk planlegging og leiing, tydeleg kommunikasjon, relasjonsbygging, motivering og inspirasjon av medarbeidarar.
  

Personlege eigenskapar

• Evne til å møta menneske i ulike livssituasjonar på empatisk vis
  
• Engasjement for trussamfunnet Den norske kyrkja sitt samfunnsoppdrag og for utvikling av kyrkja.
  
• Evne til å arbeida sjølvstendig og strukturert, samarbeida godt og skapa tillit.
  
• Utviklings- og løysingsorientert
  

Anna

• Søkjar må vera medlem i Den norske kyrkja, og lojal mot kyrkja si vedkjenning.
  
• Gyldig politiattest må leggjast fram.
  
• Det skal gjevast opp namn på to referansar.
  

Det vil bli utarbeida offentleg søkjarliste, men søknad om unntak vil bli vurdert. Løn etter avtale, og pensjonsordning i KLP.

Den tilsette må disponera eigen bil, og får dekka tenestekøyring etter offentleg regulativ. Kvam kyrkjelege fellesråd nyttar nynorsk målform.

Søknad med CV vert å senda til

Kvam kyrkjelege fellesråd, Postboks 39, 5601 Norheimsund

Søknad kan også sendast på epost til OL485@kyrkja.no innan søknadsfrist 30.okt 2026.

Me tilbyr

• Kontor i Norheimsund kyrkje
  
• Triveleg kontorfellesskap med sokneprest, prest under utdanning, kateket, trusopplærarar, 2 kantorar og sakshandsamar.
  
• 10 motiverte medarbeidarar i staben fordelt på 8,3 årsverk, og mange frivillige medarbeidarar i dei 4 sokna: Ålvik, Øystese, Vikøy og Strandebarm. På vårt kontor arbeider me etter våre kjerneord: Tryggleik, tillit og tolmod.
  
• Høve til arbeidsvegleiing, ABV, på bispedømekontoret