Austevoll kommune har ledig 100 % stilling som kulturkoordinator.

Vi søker ein person som kan koordinere kommunen sine oppgåver på kulturfeltet og samarbeide med frivillig sektor og næringslivet. Ei viktig oppgåve blir å betre kulturformidlinga særleg ovanfor barn – og unge.  

Arbeidsoppgåver:

• Ivareta kommunale kulturoppgåver
• Sakshandsaming og planarbeid
• Søknader, oppfølging og rapportering på tilskotsordningar
• Koordinere og leggje til rette for ulike kulturarrangement i samarbeid andre tenesteområdet, eksterne aktørar, frivillige lag/organisasjona

Kvalifikasjonar:
Søkjarar må ha

• Kulturfagleg høgare utdanning med minimum bachelor innan humaniora med kunst og/eller kultur i fagkrinsen
• Allsidig kulturfagleg erfaring
• Erfaring frå prosjektarbeid, formidlingsarbeid og sakshandsaming
• God munnleg og skriftleg framstillingsevne
• Evne og vilje til samarbeid
• Gode evner til kommunikasjon og til å motivere andre til innsats

 Erfaring frå offentleg forvaltning vil være ein fordel.

Kan du seie JA til alt dette så kan vi tilby ein spennande jobb i ein aktiv og engasjert kommune. Løn etter avtale.

Gjelder for stillinga:
Søkjer må ha førarkort for bil. Det må påreknast uregelmessig arbeidstid.
Nærmare opplysningar om stillinga ved å kontakte til Liv M. Østervold, Austevoll kommune, mobil 970 87 448.

Send søknad og CV ved å klikke på knappen merka "Søk stilling" på denne sida.

Det er søkjar sitt ansvar å sørge for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkjar sjølv laste opp attesterte omsettingar.

Søknader kan ikkje sendast på e-post til enkeltpersonar i kommunen.

Vi gjer merksam på at i følgje offentleglova § 25, 2. ledd kan opplysningar om søkjaren verte offentleggjort sjølv om søkjaren har oppmoda om ikkje å bli ført opp på offentleg søkjarliste. Søkjaren vil alltid bli varsla på førehand dersom søkjarlista vert offentleggjort.