Gulen kommune ligg vakkert til ved innløpet til Sognefjorden. Kommunen består av både fjell- og kystlandskap, med 1500 øyer, holmar og skjær, som innbyr til eit aktivt friluftsliv både på land og ved sjøen. Kommunen har 2300 innbyggjarar, ledig barnehageplass, og eit godt oppvekstmiljø for barn og unge. Det tar omlag 1,5 time med ekspressbåt og 2 timar med bil frå Eivindvik til Bergen sentrum.  

Gulen kommune er i rask utvikling innanfor det grøne skiftet. Eining for plan, landbruk og teknisk spelar ei viktig rolle i denne utviklinga. Me lyser no ut i inntil 100% fast stilling som konsulent innan skog-, vilt- og naturforvaltning. Tilsetjinga kan mogleg verte deltid, dersom dette er ynskjeleg for den som vert tilsett. Arbeidsoppgåvene vil då verte redusert. 

Det er særskilt to målsettingar frå kommunen sine overordna planar som set rammer for stillinga. Det fyrste er at kommunen i all utvikling særleg skal vurdere korleis det rike natur- og kulturlandskapet vert ivareteke. Vidare skal kommunen bidra til å sikre framtidige generasjonar ved å vere oppdatert på nyaste kunnskap og kutte utslepp i tråd med nasjonale mål.  

Me er på jakt etter ein engasjert og sjølvgåande person som ynskjer å arbeide med oppgåve innan ein forsvarleg forvaltning av naturressursane våre.  

Fagområda i eininga generelt er byggjesak, kart og oppmåling, arealplanlegging, skog og landbruk, viltforvaltning, miljø, klima og forureining. Me arbeider som ei eining kor alle tilsette får innsikt i heilskapen i samfunnsutviklinga og breid fagkompetanse innanfor fleire av fagområda. Eininga skal delta aktivt i å møte behova i eit samfunn i rask utvikling.  

Arbeidsoppgåver  

• Handsame søknader og fylgje opp planer innan vilt-, skog- og naturforvaltning 

• Fylgje opp naturmangfaldsplan 

• Handsame søknader om motorferdsel i utmark 

• Handsame utsleppssøknadar 

• Fylgje opp forureiningsaker 

• Oppdatere og fylgje opp klima- og miljøplan 

 Kvalifikasjonar  

• Minimum 3–årig utdanning på høgskule- eller universitetsnivå innanfor relevant fagområde. Arbeidserfaring frå liknande arbeid kan kompensere for manglande utdanning. 

• Arbeidserfaring frå eitt eller fleire av fagfelta 

• God på å sette deg inn i nye digitale system 

• Gode IKT-kunnskapar  

• Gode norskkunnskapar, både munnleg og skriftlege 

• Har førarkort klasse B 

Personlege eigenskapar 

• Ha stort engasjement og interesse for klima og miljø 

• God samfunnsforståing  

• Blir motivert av å kunne bidra til ei klima- og miljøvenleg samfunnsutvikling 

• Gode kommunikasjons- og samarbeidsevner  

• Kunne arbeide sjølvstendig og løysingsorientert  

• Kunne bidra til eit godt arbeidsmiljø 

• Å vere personleg eigna kan verte vektlagd ved tilsetjing 

 Me tilbyr 

• Spanande arbeidsoppgåver 

• Godt arbeidsmiljø 
  

• Gode moglegheiter til å utvikle deg, ta initiativ og styre din eigen arbeidskvardag. Me har fleksitid, og kan vurdere delvis heimekontorløysing ved behov. 

• Hjelp til å skaffe bustad 

• Gode forsikrings- og pensjonsordningar 

Anna 

• Tenestespråket i Gulen kommune er nynorsk 

• Vi gjer merksam på at søkjarliste med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjaren høve til å trekke søknaden sin før offentleggjering 

• Gulen kommune tilbyr bonus på 100 000,- (i 100% stilling) ved binding på to år. Bonus vert betalt ut som eingongssum, eller ratevis gjennom dei to fyrste åra - etter avtale.