Bedrift
Sogndal kommuneSøknadsfrist
15.08.2021Ansettelsesform
workTime.DagBransje
Offentlig forvaltning - KommuneadministrasjonUtdanningskrav
PåkrevetArbeidserfaring
ØnskeligAdresse
, Leikanger
SOGNDAL
search.country.NORGEAntall stillinger
1karriere-kode
3966139Se her for andre jobber fra Sogndal kommune
- Oppdatert 06.07.2021
Utgått annonse
Søknadsfristen for denne jobbmuligheten er passert
Sogndal kommune
Kommunalsjef oppvekst
Offentlig forvaltning - Kommuneadministrasjon
Kommunen som skal bli best på oppvekst, søker kommunalsjef
Vil du vera med oss i utviklinga av Sogndal kommune? Ein kommune i vekst og med ein oppvekstsektor i rivande utvikling. Dei som veks opp i Sogndal, skal veksa opp som trygge og aktive barn og unge med meistringsglede.
Oppvekstsektoren består av barnehagar, skular, vaksenopplæring, Kringsjå leirskule, Sogn PPT, Sogn barnevern, helsestasjon- og jordmortenesta og ungdomsavdelinga. Kommunalsjefen har personalansvar for to assisterande kommunalsjefar som tek i vare barnehage- og skuleeigarrolla. I tillegg ligg leiarane for støttetenestene direkte under kommunalsjefen. Som stabsressurs ligg kommunepsykolog, barnehagemyndigheit og prosjektleiarar. Kommunalsjefen har ei nøkkelrolle i å sikra ei heilskapleg tilnærming til barn og unge sin oppvekst i Sogndal kommune.
Verdiane til Sogndal kommune er samskapande – open – god – nysgjerrig, og den nyleg vedtekne samfunnsplanen til kommunen har vedteke best på oppvekst som eit av fem prioriterte satsingsområde. Kommunalsjefen vil få som hovudoppgåve å følgja opp dette. Du kjem inn i eit god gruppe både i leiargruppa til kommunedirektøren og i oppvekstteamet, der du får høve til å påverka ein regionsenterkommune med ambisjonar.
Arbeidsoppgåver:
fagleg, økonomisk og administrativ leiing av sektoren
styring, samordning og utvikling av tenestene i sektoren
bidra til utvikling av kommunen samla sett
representera kommunedirektøren i utval og andre politiske møteorgan
utgreiingar og andre arbeidsoppgåver etter kommunedirektøren sine vurderingar
Me stiller krav om
relevant høgare utdanning, masternivå er ønskjeleg
minst fem års relevant leiarerfaring
dokumenterte resultat som leiar
Du må ha
god kunnskap og interesse for ansvarsområda lagt til stillinga
interesse for og erfaring med strategisk plan- og utviklingsarbeid
erfaring som kulturbyggar, endringsleiar og prosjektdrivar
evne til å kommunisera godt skriftleg og munnleg
Me ønskjer deg som
er ein tydeleg leiar med stort engasjement, god til å formidla, forankra og få folk med på laget
har analytiske evne, innbyr til tillit og er ein god sparringpartnar
er eit førebilete i haldningar og kulturbygging
er utviklingsorientert og nysgjerrig
har rolleforståing for kva det betyr å arbeida i ein politisk styrt organisasjon
har evne til å ta initiativ og arbeida sjølvstendig og målretta
Det vil bli lagt stor vekt på søkjaren sine personlege eigenskapar.
Me tilbyr
eit inspirerande fagleg og sosialt miljø med spennande og utfordrande oppgåver, gode mogelegheiter for fagleg og personleg utvikling og høve til å vere med å forme ein kommune i positiv utvikling og vekst.
spennande og krevjande arbeidsoppgåver med stor grad av sjølvstende
gode moglegheiter for eigen kompetanseutvikling
gode pensjons- og forsikringsordningar og velferdsordningar
lønn etter avtale
Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifiserte til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggja til rette arbeidsforholda dersom du har behov for det.
Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at ifølgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste, vil du alltid bli varsla før søkjarlista vert offentleggjort.
Søknadar må leverast innan fristen og må sendast inn via rekrutteringssystemet vårt EasyCruit.
Bedrift
Sogndal kommuneSøknadsfrist
15.08.2021Ansettelsesform
workTime.DagBransje
Offentlig forvaltning - KommuneadministrasjonUtdanningskrav
PåkrevetArbeidserfaring
ØnskeligAdresse
, Leikanger
SOGNDAL
search.country.NORGEAntall stillinger
1karriere-kode
3966139Se her for andre jobber fra Sogndal kommune
- Oppdatert 06.07.2021