Er du samfunnsengasjert og brenn for å utvikla kommunen sine tenester til det beste for innbyggjarane i Sogndal kommune? 

 Me har ledig stilling som kommunalsjef og ønskjer ein tydeleg og engasjert leiar som kan styrka og vidareutvikla kommunen saman med dyktige medarbeidarar.   

Kommunen er inne i ei spennande tid og du vil vera sentral for at me skal lukkast i arbeidet med å nå måla i samfunnsplanen. Ønskjer du å gjere ein skilnad i vår kommune? 

Kommunalsjefområdet samlar tenestene retta mot innovasjon, samfunnsutvikling, næringsutvikling, frivilligheit og kultur. Sektoren er i dag organisert med følgjande 4 fagområde med leiarar direkte under kommunalsjefen: NAV, IT og digitalisering, samfunnsutvikling og kultur. Kommunalsjefen er direkte underlagt kommunedirektøren og inngår i leiargruppa.  

Kommunalsjefen skal: 

• styra og leia tenesteområdet og gje leiarstøtte og oppfølging til tenesteleiarane 
• ha overordna ansar for drift og tenesteutvikling av sektoren og kommunen 
• sikra strategisk teknologiutvikling og digitalisering i heile organisasjonen 
• bidra til berekraftig tettstadsutvikling 
• initiera og vera pådrivar for samordning og samhandling på tvers av teneste- og forvaltningsnivå 
• etablera eksternt samarbeid med private og offentlege aktørar på relevante område, ein sentral regional utviklingsaktør 
• sikra god økonomistyring og måloppnåing i sektoren 
• sørga for god samhandling med politisk leiing, eksterne aktørar og samordna på tvers av kommunen sine område 
• førebu saker til politisk handsaming og følgja opp vedtak 

Me er ein ny organisasjon med rom for vidareutvikling for oss alle og du må kunna pårekna nye oppgåver.  

 

Kvalifikasjonar: 

• høgare relevant utdanning, minimum bachelornivå (erfaring kan kompensera for utdanning) 
• leiarutdanning er ønskjeleg 
• har leia endringsprosessar og har prosesskompetanse. 
• erfaring frå eller god kunnskap om offentleg forvaltning, lov- og avtaleverk 
• erfaring med saksframstilling for politiske utval eller styrande organ 
• gode IKT-kunnskapar 
• god skriftleg og munnleg framstillingsevne på norsk 

  

Eigenskapar: 

• ha evne til å arbeida både strategisk og operativt 
• vera lagbyggar og ha evne til å skapa gode relasjonar både eksternt og internt 
• få til samskaping og ta ansvar på tvers av fagområde 
• dela eigne og vera open for andre sine tankar, idear og innspel 
• vera god til å formidla, forankra og få folk med på laget  
• ha humor og arbeidsglede 

 

Me tilbyr: 

• eit fagleg miljø med utfordrande oppgåver, gode moglegheiter for fagleg og personleg utvikling og høve til å vera med å forma ein kommune i positiv utvikling og vekst 
• gode pensjons- og forsikringsordningar 
• gode velferdsordningar 
• fleksible arbeidstidsordningar 
• løn etter avtale 

  

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggja til rette arbeidsforholda dersom du har behov for det. 

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort. 

  

Søknadar må leverast innan fristen og må sendast inn via rekrutteringssystemet vårt EasyCruit.