Vi har ledige stillingar som ferievikarar ved Vigra, Giske og Godøy omsorgdistrikt frå 24.06. – 18.08.2024.

Vi søkjer deg som er engasjert og ønskjer å bidra til å gi beburarane våre ein fin kvardag. 

•  sjukepleiar, vernepleiar, eller ha anna relevante helse- og sosialfagleg eller pedagogisk høgskuleutdanning.
•  helsefagarbeidar eller anna relevant fagutdanning
•  legestudent
•  assistent i pleie og praktisk bistand
• Vi tilbyr bonusordning

Du kan ønskje ein eller fleire av desse arbeidsplassane og fordeling skjer etter behov for kompetanse:

• Godøy bukollektiv.
• Vigra omsorgssenter med sjukeheimsavdeling for menneske med demenssjukdom. 
• Reset bufellesskap for menneske med funksjonsnedsettingar.
• Vi har stillingar både på dag/kveld og natt, og eventuell prioritering må kome fram i søknaden. Det same gjeld kva tidsrom du kan arbeide. 

Kommunen sine deltidstilsette kan også søkje om auka stilling inntil 100 % i periodar dei sjølve ikkje avvikler ferie.

Det er krav om gyldig politiattest av ny dato for alle stillingane i omsorg.

I tillegg til formell utdanning og praksis vil det bli lagt vekt på personlege eigenskapar og at ein er skikka for stillinga.

Det blir tilsett fortløpande i stillingane.

Vitnemål og karakterutskrift må sendast som vedlegg til søknaden.

Kvalifikasjoner:

• Det er ønskjeleg med erfaring frå liknande arbeid.
• God digital kompetanse.
• Det er ein fordel om søkjarane har førarkort og kan disponere eigen bil. 
• Det er også ein fordel å kunne arbeide heile perioden utan avbrot.
• Søkjarar må beherske norsk godt, både munnleg og skriftleg.

Personlige egenskaper:

• Fleksibel og løysingsorientert.
• Gode samarbeidsevner.

Vi tilbyr:

Løn til pleiemedarbeidarar/assistentar:

• Årsløn i heil stilling er per i dag frå kr 351 200,- til kr 457 700,- etter ansiennitet.
• Dersom ansiennitet ikkje gir betre utteljing på løn får sjukepleie-, vernepleie- og legestudentar slik årsløn i heil stilling: bestått 1. år: kr 20 000,- over garantiløn, bestått 2. år: kr 30 000,- over minsteløn, pr i dag kr 351 200,-.
• Legestudentar som har fullført 4. semester får løn etter fagarbeidarstigen, og dei som har bestått 6. semester, og har gjennomgått farmakologi, blir arbeidsoppgåver og løn som sjukepleiar vurdert.
• Høgskule-/universitetsstudentar innafor andre relevante utdanningar får årsløn kr 5 000,- i heil stilling over minsteløn, pr i dag kr 351 200,-. Det same gjeld andre vikarar som kjem tilbake for andre sommaren (eller meir) på rad.
  
• Elles gjeld løn og tilsetjing på vanlege kommunale vilkår.

Bonusordning:

• Sjukepleie-, vernepleie-, fysioterapi-, ergoterapi- og legestudentar og andre ferievikarar med fullført relevant fagutdanning som arbeider i 100 % stilling i minimum 6 veker innafor vekene 26 - 33 etter avtale med leiar, får ein ekstra bonus på kr 15 000,-. Opplæringsvakter kjem i tillegg. Ordninga gjeld også lærar- og førskulelærarstudentar i relevante stillingar innafor PU.
• Dette gjeld for reelt utført arbeid. I praksis betyr det at bonusen blir avkorta eller fell vekk ved sjukefråvær eller ev. anna fråvær.
• Dei som ønskjer slik bonusordning må opplyse om det i søknaden.