Vil du bruke den juridiske kompetansen din for å løyse eit viktig samfunnsoppdrag og bidra inn i utviklinga av eit spennande fagområde? Du har no ei unik moglegheit sidan Mottaksfagleg eining søkjer etter ein jurist til det tverrfaglege arbeidsmiljøet vårt. 

Mottaksfagleg eining tilhøyrer Mottak og returprosessen, som har drift av statlege mottak for asylsøkjarar som hovudoppgåve. Det inneber å etablere mottak gjennom avtalar med driftsoperatørar. Vi utviklar kvalitet og standard for mottaksarbeidet, og differensierer mottakstilbodet for ulike bebuargrupper, og vi sikrar ei god økonomiforvaltning på mottaksfeltet og god kontraktsoppfølging. Migrasjonssvingingane påverkar verksemda i stor grad og stiller høge krav til ein fleksibel og robust organisasjon og til Mottak og returprosessen, som skal dimensjonere mottaksplassar etter behov. I Mottak og retur har vi også ansvar for assistert retur og busetjingsforhold.  

I Mottak og returprosessen er det rundt 105 faste medarbeidarar fordelte på einingar og leveranseteam i Oslo og dei fem regionkontora i Bergen, Gjøvik, Kristiansand, Narvik og Trondheim.  

Mottaksfagleg eining har for tida 16 tilsette. Hovudoppgåva til eininga er å ta hand om den faglege heilskapen i Mottak og returprosessen. Arbeidet på mottaksfeltet reiser fleire interessante forvaltningsrettslege, internasjonale og privatrettslege problemstillingar. Vi i Mottaksfagleg eining bidreg inn i oppgåveløysinga i ulike leveranseteam basert på kompetansen, erfaringa og motivasjonen vår. I samarbeid med teama utarbeider vi regelverk og rutinar som regulerer tilbodet til bebuarar i asylmottak, ivaretaking av barn som er i Noreg for å søkje om vern, og internasjonalt arbeid på mottaksfeltet.  

Arbeid i leveranseteam er nyleg innført i UDI og er ein del av ei organisasjonsutvikling som har som formål å styrkje kjerneprosessane og slik skape meir heilskaplege tenester til brukarane våre. Du som jurist bidreg inn i leveransar i ulike team som har behov for juridisk kompetanse.  

 

Kvalifikasjoner:

• utføre generelt juridisk arbeid, inkludert regelverksarbeid, utgreiingar, høyringsarbeid, rådgiving og fortolking  
  
• sikre etterleving av regelverk innanfor ansvarsområdet til Mottak og retur  
• bidra til effektiv og rettssikker saksbehandling gjennom  
  • å drive kompetanseheving av saksbehandlarar i eininga og avdelinga 
  • å behandle klager i enkeltsaker ved behov 
• bidra til at bebuarane får like tenester og dei tenestene dei har krav på  
• hjelpe til juridisk på dei områda der eininga til kvar tid har behov 

 

Personlige egenskaper:

Du må ha:

• mastergrad i rettsvitskap eller juridisk embetseksamen  
• kjennskap til relevant regelverk innanfor offentleg forvaltning   
• interesse for å jobbe med regelverksutvikling 
• gode IKT-kunnskapar 
• svært god munnleg og skriftleg framstillingsevne på norsk  
  

Det er ein fordel om du har:

• erfaring med regelverksarbeid frå statleg eller privat sektor 
  
• erfaring med utvikling av brukartenester frå andre sektorar 
• god kjennskap til eitt eller fleire av desse områda: forvaltningsrett, reglane om innsyn i dokument utarbeidde av det offentlege, tilskotsforvaltning, busetjing, helserett, offentlege innkjøp, kontraktsoppfølging eller personvern  
  
  

Vitnemål må leggjast inn i portalen saman med søknaden. Vi oppfordrar til å nytte vitnemålsportalen.no. Om du har utdanning frå utlandet, må utdanninga vere godkjend av NOKUT.  Attestar må leggjast inn i portalen saman med søknaden 

  

Vi tilbyr:

• varierte og utfordrande arbeidsoppgåver med store utviklingsmoglegheiter
• ei verksemd som har eit av dei viktigaste samfunnsoppdraga i Noreg, og som er prega av høg fagleg kompetanse, stort engasjement og dyktige medarbeidarar  
• fem vekers ferie, fleksitidsordning og høve til å trene i arbeidstida 
• lønn som rådgivar/seniorrådgivar (kode 1434/1364) i lønnsspennet frå kr 550 000 til 700 000 brutto per år, avhengig av kvalifikasjonar – fra lønna blir det trekt 2 % innskot til Statens pensjonskasse (for spesielt kvalifiserte kandidatar kan vi vurdere høgare lønn) 

Utlendingsdirektoratet er oppteke av mangfald, og vi oppfordrar derfor alle kvalifiserte til å søkje hos oss, uansett alder, kjønn, funksjonshemjing, «hòl i CV-en», nasjonal eller etnisk bakgrunn. Vi tilpassar arbeidsplassen om du har behov for det.   

I samsvar med offentleglova kan ein søkjar bli offentleggjord sjølv om han/ho har bede om ikkje å bli oppført på søkjarlista. Vedkommande vil i så fall bli varsla.