Les meir om oss ved å følge denne lenka!

Vil du vera med å utvikla Kvam herad sitt framtidige reinhald?

Me er godt i gang med å digitalisera reinhaldsarbeidet og søkjer derfor etter deg som har god IT-kunnskap og evna til å formidla denne kunnskapen vidare.

I Kvam aukar bruken av digitale verktøy og reinhaldsavdelinga vår var ein av dei fyrste i Vestland som tok i bruk robot som arbeidsverktøy. Alle reinhaldarane er også utstyrt med eigne nettbrett til bruk i arbeidet.

Målet vårt er å planlegga reinhald etter behov via APP-styrt arbeidsplanlegging (LAFT)

I avdelinga vår er me i dag 35 tilsette som utfører reinhald i kommunale bygg i heile heradet. 

Arbeidsoppgåver

• Systemoperatør LAFT reinhaldsmodul

          - Programmering av dagleg reinhald i etablert system
          - Laga reinhaldsplanar i lag med reinhaldsleiar

• Opplæringsansvar i bruk av nettbrett, både i felles samlingar og ute i bygga våre i lag med reinhaldarane
• Delta i innkjøp av forbruksvarer
• Rekvirering av vikarar ved sjukefråvære
• Styring og programmering av vaskerobotar
• Etablering og bruk av sensorteknologi og KI (kunstig intelligens) for å utvikla framtidas reinhald
• Tekniske styresystem

Kvalifikasjonar

• IT-utdanning t.d. bachelornivå eller fagarbeidarnivå. God IT-kunnskap og/eller relevant erfaring kan evt. erstatta formell utdanning
• Du må ha god formidlingsevne
• Klart og tydeleg språk, gjerne fleirspråkleg
• Gode norskkunnskapar skriftleg og munnleg
• Sertifikat klasse B, gjerne BE og manuelt gir

Personlege eigenskapar

• Løysingsorientert og nytenkjande
• Tålmodig og inkluderande
• Sosial og ynskjer å bidra til eit godt arbeidsmiljø
• Likar utfordring i arbeidet og ser nye løysingar
• Tek ansvar og kan arbeida sjølvstendig
• Møter andre med respekt

Me tilbyr

• Kontorplass i fellesskap med tekniske tenester i Norheimsund
• Godt arbeidsmiljø med kjekke medarbeidarar
• Normal arbeidstid mellom 07.30 og 15.00, mogleg med fleksitid og tidbank-løysing
• Mogleg med heimekontor i delar av arbeidstida etter gjeldande avtale
• Løn etter gjeldande tariffavtale og lokalt lønssystem
• Gode pensjons-/og forsikringsordningar

Generell informasjon:

Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ynskjer å inkludera og leggja til rette for personar med nedsett funksjonsevne. I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta. Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.