Kvam herad søkjer etter ein engasjert og strategisk informasjonsrådgjevar med interesse for lokalpolitikk, samfunn og kommunal tenesteproduksjon.

Informasjonsrådgjevaren vil jobbe tett med ordførar, rådmannen, rådmannen si leiargruppa og fellessekretariatet for å sikre god intern og ekstern informasjon i kommunen.

Er du rette personen for stillinga, har du evne til å sjå og utnytta ulike former for kommunikasjon, forstår media og det politiske landskapet og har evne til å gjera kompliserte bodskap enkle og forståelege.

 

Arbeidsoppgåver

• Ansvar for å koordinera kommunen sitt kommunikasjonsarbeid, både strategisk og operativt
• Oppfølging og vidareutvikling av Kvam herad sin kommunikasjonsstrategi
• Vidareutvikla interne og eksterne kommunikasjonsplattformar
• Redaksjonelt arbeid/innhaldsproduksjon på nettsider, intranett og sosiale media
• Kommunikasjonsfagleg rådgjeving, trening og rettleiing
• Ansvar for kommunen si handtering av informasjon og kommunikasjon under kriser
• Oppfølging og arbeid med kommunen sin språkprofil og "Klart språk"

Kvalifikasjonar

• Me søkjer deg som har høgare utdanning og erfaring innan kommunikasjonsfaget og mediehandtering
• Det er ein fordel om du og har kjennskap til informasjonsarbeid under kriser
• Har god innsikt i det digitale medielandskapet og kan sosiale media
• Har interesse/kunnskap om digitale løysingar, og har kjennskap til aktuell programvare innan bilete-/videoredigering, design og layout
• God munnleg og skriftleg formuleringsevne, både på nynorsk, bokmål og engelsk

Personlege eigenskapar

• Me søkjer deg som er serviceinnstilt og engasjert
• Kreativ, løysingsorientert og strategisk
• Møter andre på ein respektfull og open måte
• Skapar tillit og viser høg etisk standard
• Samarbeidsvillig, tek ansvar, men som og kan arbeida sjølvstendig
• Er endringsvillig og ønskjer kontinuerleg forbetring i arbeidet

Vi tilbyr

• Ein sentral rolle i kommunen sin organisasjon, med spanande og utfordrande arbeidsoppgåver i ein kommune med engasjerte innbyggjarar og tilsette
• Gode fagmiljø innan eit breitt mangfald av fagområde
• Høve til fagleg og personleg utvikling
• Løn etter avtale
• Gode pensjons- og forsikringsordningar

Generell informasjon:

Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne.I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta. Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.