Øygarden kommune er den nest største kommunen i Vestland fylke med omlag 38 500 innbyggjarar og 2 500 tilsette. Straume er kommunesenter (ca. 15 minutt køyring frå Bergen) med kommunedelsenter på Rong og i Skogsskiftet.

Øygarden kommune har sett seg som mål å vera ein framtidsretta og kunnskapsbasert samfunnsutviklar med fortrinn innanfor energi, teknologi og marine ressursar. Kommunen skal løfta fram viktige verdiar som felles kultur, språk og identitet. Vi har ambisjonar om å vera ein handlekraftig og effektiv organisasjon med god leiing, høg kompetanse og kvalitet.

Om avdelinga:

Barn, unge og familietenester består av 4 helsestasjonar, skulehelseteneste på skulane i kommunen, helsestasjon for ungdom, helsestasjon for flyktningar, kommunepsykologar for barn og unge og eit familie og rettleiingssenter. 

I avdelingane arbeidar det ulike yrkesgrupper som helsesjukepleiarar, jordmødrer, helsesekretærar, familierettleiarar, ungdomslos, miljøarbeidarar, pedagogar og psykologar.

Det vert no lyst 100 % vikariat i helsestasjon- og skulehelsetenesta, ledig frå snarast.

Arbeidsoppgåver:

• Arbeid i skulehelsetenesta. Brattholmen og Danielsen barneskular.
• Individuelle konsultasjonar og oppfølging av barn, unge og familiar etter nasjonal fagleg retningslinje.
• Foreldrerettleiing
• Tverrfagleg samarbeid

Kvalifikasjonar: 

Må ha:

• Autorisert helsesjukepleiar.
• Gode norskkunnskapar munnleg og skriftleg

Ønskjeleg med:

• Erfaring frå arbeid i skulehelsetenesta
• Gode dataferdigheiter
• God munnleg og skriftleg formidlingsevne.

Personlege eigenskapar:

• Fagleg kompetent og engasjement for førebyggjande helsearbeid
• Fleksibel og endringsvillig
• Gode kommunikasjonsferdigheiter og evne til rettleiing
• Strukturert og sjølvsetndig samstundes som ein er ein god lagspelar
• Gode samarbeidsevner og evne til å bygge relasjoner

Anna:

Vikariatet varer i første omgang ut desember 2023.

Då det er store avstandar i kommunen er det naudsynt at ein har førarkort og disponerer bil i tenesta.

Søkjarar vert kontakta fortløpande.

Vi tilbyr:

• Gode pensjons- og forsikringsordningar
• IA-bedrift
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling

Kontakt:

For nærare opplysningar om stillinga. Ta kontakt med:

Louise Armond, konstituert leiar for helsestasjon- og skulehelsetenesta. Mobil: 95480529

Berit Algrøy, einingsleiar. Mobil: 95208001

Søknadsfrist: Snarast

 

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkaren varsla om dette.

Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.