Heimetenesta har ei ny 100% fagstilling for helsefagarbeidar.

Stillinga inneber arbeid i turnus med f.t arbeid tredje kvar helg med heimesjukepleieoppgåver og arbeid på dagtid med praktisk bistand /heimehjelpsoppgåver.

Arbeidsoppgåver:

I heimesjukepleia:

- pleie- og omsorgsarbeid

- respons på tryggleiksalarmar

- dokumentasjon

- oppfølging av tiltak

- tverrfagleg samarbeid

- rettleiing av elevar, lærlingar og vikarar

- samarbeid med pårørande, legevakt, ambulanse 

I heimehjelpa:

- ha dagleg ansvar for gjennomføring av tilbodet

- kontaktperson/soneansvarleg på vegne av heimehjelpa opp mot oversjukepleiar

- kartlegge og evaluere behov for bistand

- iverksette og gjennomføre praktisk bistand

- vere ressursperson i ieininga med tanke på fagleg utvikling og drift av heimehjelptilbodet

- samarbeide med andre i eininga

- rettleie medarbeidarar

- dokumentasjon

 

Vi søkjer etter deg som kan ha eit soneansvar for det daglege tilbodet om praktisk bistand i Heimetenesta.

Dette inneber at du vil vere sentral i kartlegginga av nye søkjarar, vurdering av kva som er rett type tenestetilbod, utprøving, gjennomføring og evaluering av tenestene.Innanfor praktisk bistand/heimehjelp er målet å bidra til kvardagsmeistring for brukaren gjennom spele på lag med brukaren sine eigne ressursar og kva som er viktig for brukaren.

Du må difor kunne  vurdere behov for, og/eller bidra i tenester som rehabilitering, velferdsteknologi og oppfølging av ernæring og dagtilbod. Soneansvaret inneber også at du vil koordinere det daglege arbeidet til heimehjelparane slik at oppgåvene blir fordelt på best mogleg måte. Oversjukepleiar blir næraste overordna og har også fagleg og økonomisk ansvar, samt personalansvar. Du vil arbeide tett med oversjukepleiar i vurderingane og evalueringane av tenestetilbodet.

 

Kompetanse og kvalifikasjonar:

- autorisasjon som helsefagarbeidar

- erfaring med liknande arbeid er en fordel

- god skriftleg og munnleg framstillingsevne og god kommunikasjonsevne på norsk

- kunne bruke dataverktøy til dokumentasjon og innhenting av informasjon

- fagkompetanse og basiskompetanse 

 

Personlege eigenskapar:

Vi ser etter medarbeidarar som er:

- fagleg trygge

- motiverte til å lære og er pådrivarar til utvikling og endring

- kan bidra til utviklinga av eit godt arbeidsmiljø

- har evne og vilje til å arbeide sjølvstendig

 

 Vi tilbyr:

- godt arbeidsmiljø med vekt på fagutvikling og endring

- bevegeleg arbeidstid

- Surnadal kommune er IA-bedrift

- lønn etter gjeldande avtaleverk

- gode pensjons- og forsikringsordningar

- flyttegodtgjering i tråd med kommunen sin personalplan

 

Tilsettingsvilkår:

Du må ha førarkort kl B og kunne disponerer eigen bil i arbeidet i den delen av stillinga som er lagt til heimehjelp.

Tilfredsstillande politiattest, ikkje eldre enn 3 månader, skal leggast fram før tiltreding.

 

Søknad:

Surnadal kommune brukar Visma EasyCruit som elektronisk rekrutteringssystem. Søknadene blir difor vurdert på bakgrunn av opplysningane som er lagt inn i søknadsskjemaet.

Attestar og vitnemål er først aktuelt å ta med om ein blir kalla inn til intervju.