Sunnfjord Bu- og avlastingsteneste har ansvar for å følge opp fleire barn og unge, og treng no fleire tilsette. 

På avlastinga er det barn og unge med ulike hjelpebehov. Ein del av barna har somatiske utfordringar medan andre har utfordringar knytt til åtferd. Arbeidsoppgåvene varierer med den enkelte sitt funksjonsnivå, og behov for bistand. Vi hjelper til med aktivitetar, rettleiing og elles det som følger med i ein heim. For ungdomane hjelper vi til med rettleiing og butrening i høve det å verte sjølvstendige.      Vi gir tenester heile døgnet, for å støtte og avlaste foreldre som har krevande omsorgsoppgåver. Rundt dei yngste barna organiserer vi avlastning i heimen, og mesteparten av auken er knytt til slike tiltak. 

Vi samarbeider tett med skule og barnehage, og har oppfølging av fleire barn på dagtid.

 Vi har ledig faste stillingar:

• 1 x 100 % st. med arbeid  3. kvar helg
• 1 x   80 % st. med arbeid  3. kvar helg

Hovudsakleg må ein rekne med å jobbe i ein tredelt turnus med arbeid minimum 3. kvar helg. Dersom du ønsker langvakter laurdag og søndag (inntil 12,5 t) 4. kvar helg er dette mogeleg.

Krav til søkar:

• helsefagarbeidar eller barne- og ungdomsarbeidar
• meistre godt norsk munnleg og skriftleg
• førarkort kl. B
• politiattest må leggast fram før ein tek til i stilling

Arbeidsoppgåver:

• yte god omsorg for barn/unge
• oppfølging av barn og unge med fokus på aktivisering, kvile og daglege gjeremål
• bidra til å skape ein trygg atmosfære med omsorg, støtte, struktur og gode grenser for kvart enkelt barn/ungdom
• tett samarbeid med foreldre, barnehagar, skular og spesialisthelsetenesta
• praktiske oppgåver og førefallande arbeid
• delar av stillinga er i heimen til dei yngste barna
• ansvarsvakt
• oppgåver knytt til primærkontakt

Vi søker deg som:

• syner fagleg tryggleik, tillit og respekt
• vil bidra positivt til eit fagleg og godt miljø
• er punktleg og påliteleg
• trivast i ein aktiv kvardag og har evne til endring
• vere ein trygg og tydeleg vaksen person, som set grenser på ein omsorgsfull måte
• er løysingsorientert og sjølvstendig
• er i stand til å ta i mot rettleiing frå leiar og ansvarshavande
• er god på tverrfagleg samarbeid – her må ein gje og ta 

Personlege eigenskapar vert vektlagt

Vi tilbyr

• god opplæring
• høgt fagleg nivå, med rettleiing frå spesialisthelsetenesta ved behov
• stor breidde i faglege utfordringar
• ein aktiv og god arbeidsplass med inkluderande miljø der folk trivast på jobb
• kompetansetillegg
• gode høve for kompetanseheving
• løn i samsvar med gjeldande overeinskomst
• gode pensjons- og forsikringsordningar

 Du søker elektronisk.

Velkommen som søkar!