Sunnfjord kommune har ca 22 000 innbyggarar. Eininga fysio-/ergoterapi i Sunnfjord kommune har 21 tilsette, fordelt mellom arbeidsstadene Førde, Naustdal, Sande og Skei. Tenesta består av fysioterapeutar, ergoterapeutar og serviceteknikarar med ansvar for hjelpemiddel. Eininga har eit godt fagmiljø, med mange dyktige og engasjerte medarbeidarar.

Fagre Skei er vegknutepunkt mellom Sunnfjord, Nordfjord og Sogn. Avstand til Førde er 43 km og avstand til Sogndal er 60km. Det er flyplassar både i Sogndal og Førde og  begge stader har eit etablert studentmiljø ved Høgskulen Vestland. Regionen har rikt med naturopplevingar med fjord og fjell, og i nærområdet kring Skei er det mange moglegheiter for fine toppturar, både til fots og på ski, inkludert fleire skianlegg.

Vi har ledig: 

• 100 % vikariat fysioterapeut barn og vaksne

Vikariatet varer til 31.12.2024.

Denne stillinga er knytt til arbeid med born og vaksne og er ein av tre fysioterapistillingar  med primær arbeidsstad Skei. Det må påreknast at det også kan vere aktuelt med arbeidsoppgåver tilknytt andre arbeidsstader i eininga i Sunnfjord kommune.

Arbeidsoppgåver: 

Tenesta har eit nært samarbeid med dei andre kommunale fagområda som rettar seg mot born og eldre, slik som legetenesta og helsestasjon/skulehelsetenesta. Vi legg vekt på heilskapleg og tverrfagleg samhandling med dei andre tenestene .

Som fysioterapeut vil arbeidsoppgåvene dine vere:

• Primæransvar for habilitering og behandling av born og ungdom ved helsestasjon, barnehage/skule  i sone Skei.
• Behandling og rehabilitering av  vaksne, inkludert kurativ oppfølging.
• Oppfølging ved rehabiliteringsavdeling.
• Rettleiing og tverrfagleg samarbeid med andre faggrupper.
• Oppfølging i barnehage og skule.
• Hjelpemiddelarbeid.
• Instruktør i treningsgrupper.

Krav til søkar:

• autorisasjon som fysioterapeut
• førarkort klasse B
• gode norskkunnskapar , både skriftleg og munnleg
• interesse for barnefysioterapi 

Vi søker deg som:

• har god arbeidskapasitet, og ha evne til å handtere ein hektisk kvardag med mange varierte arbeidsoppgåver
• er strukturert, og kunne planlegge eigen arbeidskvardag
• har god kjennskap til bruk av IT-verktøy; i Sunnfjord kommune nyttar vi journalprogramma  CosDoc, WinMed og Pasientsky
• er fagleg trygg, og er flink både til å samarbeide med andre og til å arbeide sjølvstendig
• har erfaring frå kommunehelsetenesta er ein fordel, men ikkje eit absolutt krav
• har erfaring frå arbeid med fysioterapioppfølging av born er eit ønske, men ikkje eit absolutt krav

Vi tilbyr:

• engasjerte kollegaer og leiarar
• kompetansetillegg for relevant vidareutdanning

Godkjent politiattest av ny dato må leverast før tiltreding i stilling

Oppgje referansar i søknaden.

Vekommen som søkar til flotte Sunnfjord!

Du må søke elektronisk!