Balestrand helsetun består av tre små einingar med inntil 8 pasientar på kvar eining. I tilknyting til helsetunet ligg både heimetenesta, legevaktsatellitten, fysio/ergo-tenesta, omsorgsbustadar og bu og miljøtenesta. Noko som gir moglegheit for eit tett og nært samarbeid med andre einingar i kommunen. Helsetunet har eige kjøken som lager god heimelaga mat. Helsetunet har og eige vaskeri og ligg vakkert til i sentrum av Balestrand omgitt av fjord og fjell.

 

Om stillingane:

Me søkjer motiverte, engasjerte, sjølvstendige og interesserte ungdommar som ferievikarar for sommaren 2023 til sjukeheimen i Balestrand.

Arbeidsperioden vil vere i tida 19.06.2023 - 13.08.2023. Arbeidet vil vere på dagtid og ettermiddag med annakvar helg.

Opplys i søknaden perioden du kan jobbe.

 

Arbeidsoppgåver:

• Tillaging av enkle måltid, frukost/kvelds.
• tilrettelegge og hjelpe ved måltid
• ivareta hygiene på avdelingskjøkken.
• Vask av senger, nattbord og hjelpemidler
• Fylle på lager med klede og anna utstyr
• Legge til rette for, og hjelpe bebuarane med aktivitetar, turar ut o.l.
• Sosialt samvær med bebuarane, spele spel, lese avisa, lytte til musikk ol.

Kvalifikasjonar:

• ha gode norskkunnskapar, både munnleg og skriftleg.
• Vere fylt eller fylle 16 år i løpet av 2023.

Personlege eigenskapar:

• evne til å arbeide sjølvstendig og samarbeide med andre.
• oppteken av å yte god service og like utfordringar i ein travel kvardag.
• Imøtekommande

Spesielle vilkår for stillinga:
Dei som vert tilsett må leggje fram:
- Tuberkulose/MRSA-skjema, evt. tuberkulinattest av ny dato.
- Politiattest av ny dato.

 

Me tilbyr:

• Ein variert og god arbeidsplass der god service er ein sjølvfølgje.
• Løn etter tariff jf. HTA

 

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.