Gulen kommune har behov for ferievikarar ved Dalsøyra barnehage og skule, avdeling barnehagen, sommaren 2023. Perioden det er snakk om er frå midten av juni til midten av august. Skriv i søknaden din kva veker du kan jobbe. Dalsøyra barnehage har avdelingar både på Dalsøyra og i Hovden. I periodar om sommaren vert barnehagetilbodet samla til ei avdeling. 

Arbeidsoppgåver

• Medverke til at barnehagen er ei god pedagogisk verksemd
• Medansvar for tilsyn, omsorg og pedagogisk arbeid med borna 

Kvalifikasjonar

• Det er ynskjeleg med relevant utdanning og erfaring, men andre kan også søkje

Personlege eigenskapar

• Vi ynskjer ferievikarar som er fleksible, stabile, tar initiativ og ynskjer å bidra til å gje gode tenester til brukarane
• Kan bidra til eit godt og stabilt arbeidsmiljø for born og vaksne
• Å vere personleg eigna kan verte vektlagt ved tilsetjing

Anna

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, i PU og i skule og barnehage, vert det stilt krav om godkjent politiattest
• Vi gjer merksam på at søkjarliste med namn, kjønn, alder og noverande stilling er offentleg infomasjon. Dersom søkjar likevel ber om konfidensiell handsaming, og grunnen for å unnta offentleggjering ikkje vert godkjent, får søkjaren høve til å trekke søknaden sin før offentleggjering
• Løn etter tariff