Sunnfjord barnevern har per i dag 26,2 stillingsheimlar, og er delt i 4 ulike team: mottak- og undersøking-, oppfølging-, omsorg- og familie-team. Familieteamet jobbar saman med familiar som ønsker hjelpetiltak.

Vi har ledig:

• 100 % fast rettleiarstilling i familieteamet

Familieteamet har fem stillingsheimlar, der ein er teamleiar.

Familierettleiarane har opplæring i ulike rettleiingsverktøy. Arbeidet vert gjennomført gjennom samtalar /rettleiing på kontoret og heimebesøk. Familierettleiar jobbar sjølvstendig i familiane, men har tett samarbeid med resten av teamet, og teamet får jamleg rettleiing frå psykologspesialist.

Arbeidsoppgåver:

• jobbe ut frå målsettingane som familiane og barnevernet utarbeidar saman
• arbeide med systematiske og intensive endringstiltak i familiar
• foreldrefokusert endringsarbeid
• samspelsobservasjonar i det kliniske arbeidet
• rettleiing ved bruk av video
• samarbeide med andre instansar
• utarbeide rapportar

Kvalifikasjonar:

• barnevernpedagog, sosionom, psykiatrisk sjukepleiar eller anna relevant høgskuleutdanning
• søkarar bør ha minst 3 års erfaring frå barnevernet og/eller tiltaksarbeid
• relevante vidareutdanningar kan vere; familieterapi, sped- og småbarn psykisk helse, psykososialt arbeid med barn og unge 0-18 år.
• relevante metodar kan vere; Marte Meo, COS, tuning in to kids/Teens, triangulerte samtalar, video intervention therapy, motiverande intervju
• du må evne å bruke din erfaringsbaserte kunnskap og metodikk i samspel med brukarane sine ønske og behov.

Vi kan vurdere å tilsette nokon utan relevant metodeopplæring. Vedkommande må då forplikte seg til å delta i eit opplæringsforløp med tilpassa bindingstid.

Vi søker deg som:

• har evne til å jobbe sjølvstendig og i team, samt vise initiativ
• viser fleksibilitet, kreativitet og har gode samarbeidsevne
• har god munnleg og skriftleg framstillingsevne
• er strukturert og har stor arbeidskapasitet 
• er positiv og tolmodig i samarbeid med foreldre som er i ein vanskeleg situasjon

Vi kan tilby:

• rettleiing saman med teamet
• teammøte kvar veke med felles saksrettleiing
• fagutvikling og vidareutdanning
• rekruttering og stabiliseringstillegg
• pensjonsordning i KLP

Godkjent politiattest må leverast før start i stilling.

Du må søke elektronisk.

Velkommen som søkar!