Aktivitetseininga har aktivitetstilbod til vaksne i alle aldrar i Sunnfjord kommune. Aktivitetstilbodet kan gjevast som opplæring, arbeid eller anne type dagaktivitet til menneske som av ulike grunnar har behov for tilrettelegging eller bistand. Vi er i alt 46 positive og engasjerte medarbeidarar som jobbar i eininga fordelt på små og store stillingar i heile kommunen.

 

Vi har ledig følgande stillingar:

 

Stilling 1:

100 % fast stilling ved Førde Ressurssenter.

Oppgåvene på Førde ressurssenter er å følgje opp enkelt deltakara i deira aktivitetar ved dagtilbodet.

Skape meiningsfulle dagar for deltakarane med vekt på meistring og vekst

Aktuelle arbeidsoppgåver for denne stillinga er 1-1 oppfølging av deltakarar med nedsett funksjonsevne, og eventuelt arbeid i kantine med ei gruppe av deltakarar.

 

Stilling 2:

60 % fast stilling ved tilboda våre for eldre på Sande. 

Stillinga er delt mellom 20 % jobb ved dagtilbod for eldre på Sande, og 40 % jobb ved aktivitet i institusjon på Sande omsorgssenter.

Oppgåvene ved aktivitet i institusjon og dagtilbod for eldre er å skape meiningsfulle dagar for dei buande/deltakarane.

Arbeidet går ut på å skape aktivitet, innhald i dagane og gode augeblikk for den enkelte bebuar/deltakar.

 

Stilling 3:

Vi har behov for tilkallingsvikarar på dagtilboda våre for yngre i Førde og på Skei.

Dagtilboda våre for yngre yter tenester til deltakare som har ulik grad av nedsett funksjonsevne, og har behov for oppfølging og rettleiing ved deltaking på dagtilboda våre.

 

Krav til søkar:

• fagarbeidar som aktivitør eller helsefagarbeidar. Dersom vi ikkje får kvalifisrtes søkarar kan andre med relevant utdanning og erfaringar bli vurdert
• gode norsk kunnskapar, både skriftleg og munnleg
• førarkort klasse B
• god IKT- kompetanse

 

Vi søker deg som:

• er kreativ og god på å jobbe med menneske
• er strukturert, og flink til å planlegge din eigen arbeidskvardag
• har erfaring frå fagfeltet, og brukargruppene
• har gode samarbeidsevner, og kan jobbe tverrfaglig
• er engasjert og har evne til å motivere
• er utviklingsorientert, initiativrik og handlekraftig
• bidreg positivt til eit godt arbeidsmiljø

 

Vi kan tilby:

• utfordrande, varierte og meiningsfylte arbeidsoppgåver
• arbeidstid 8 -15.30 kvardagar
• kompetansetillegg for relevant vidareutdanning
• god pensjons- og forsikringsordning
• eit godt og inkluderande arbeidsmiljø

 

Stillingane er ledige frå 01.06.26. Den/dei som vert tilsett avtalar startdato med leiar.

 

Politiattest av nyare dato vert kravd før start i stilling.

Velkomen som søkar, vi ser fram til å høyre frå deg.

Du søker elektronisk.