Har du lyst å bidra til glede og tryggleik i Strandebarm barnehage?

Me har ledige stillingar frå september:

70% fagarbeidar frå 15.09.24 - 12.01.25 (Kan bli utvida til 100%)

30% pedagog frå 15.09.24 - 12.01.25

40% fagarbeidar frå 15.09.24 - 31.07.25

Strandebarm barnehage er ein fire avdelings barnehage som har fokus på leikande vaksne og leikemiljø.

Me søkjer barne- og ungdomsarbeidarar og barnehagelærar som likar å laga gode kvardagar saman med små born. Me har behov for deg som er god på relasjonar og som er glad i å gje born gylne augneblink. Me er opptekne av gode fagmiljø og arbeider for kontinuerleg kompetanseutvikling.

Vil du vite meir om dei kommunale barnehagane, les her: Barnehagar i kvam herad 

Arbeidsoppgåver

• Medansvar for å skapa ein god barnehagekvardag for både det enkelte barn og grupper, i samarbeid med pedagogisk leiar/barnehagelærar
• Levera god kvalitet i relasjonar med barn og foreldre
• Vera ein trygg vaksen
• Tilretteleggja for leik og læring
• Delta i og skapa kvalitet i rutinesituasjonar
• Delta i og utvikla barnehagen
• Bidra til godt arbeidsmiljø og samarbeid med andre
• Bidra til og ivareta helse, miljø og tryggleik i barnehagen

Kvalifikasjonar

• Barne- og ungdomsarbeidar, men er og interessert i deg som har anna relevant utdanning, yrkeserfaring og ynskjer å arbeida i barnehage
• Godkjent høgskuleutdanning som barnehagelærar, eller anna treårig pedagogisk utdanning på høgskulenivå med vidareutdanning i barnehagepedaogogikk. Andre med relevant utdanning og/eller erfaring frå arbeid i barnehage kan søkja
• Erfaring frå arbeid i barnehage er ein fordel
• Gode norskkunnskapar både munnleg og skriftleg
• Bestått A2 i skriftleg framstilling og B1 i leseforståing, lytteforståing og munnleg kommunikasjon

Ved nytilsetjing vert det stilt krav om politiattest av ny dato. Denne skal ikkje leverast med søknaden

Personlege eigenskapar

• Påliteleg, omsorgsfull og engasjert
• Du har godt humør og positiv innstilling 
• Fagleg oppdatert
• Deg som er leiken og evnar å inspirera og engasjera born
• Møter born, kollega og føresette med respekt
• Er fleksibel og løysingsorientert
• Eit positivt barnesyn: "Barn gjer så godt dei kan" 

Me tilbyr

• Spennande, utfordrande og varierte arbeidsoppgåver
• Løn etter gjeldande tariffavtale og lokalt lønssystem
• Gode pensjons- og forsikringsordningar
• Tilsetjing på vanlege vilkår for kommunale arbeidstakarar

Generell informasjon:

Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne. I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta. Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette