Er du ein allsidig fagarbeidar med elektrikarfagbrev og båtførarkunnskap som vil arbeide på Vedlikehaldslag Midt Norge i Kystverket si avdeling for reiarlag, fyr og sjømerking? 

Kystverket søkjer etter elektrikar med fagbrev til allsidige og sjølvstendige oppdrag innan vedlikehald, drift, nybygg og tilsyn på navigasjonsinnstallasjonar. Vi søkjer ein elektrikar med allsidig elektrobakgrunn som også har erfaring og innsikt innan andre handverksfag.

Arbeidsområdet til vedlikehaldslaget i Midt Norge strekk seg frå Rørvik i nord til Stadt i sør. Vedlikehaldslaget er til vanleg 2-3 fagarbeidarar samansett av ulike fagfelt og saman utfører dei allsidige oppdrag innan vedlikehald og drift. Hovudoppmøtestad for arbeidslaget vil i framtida vere Brekstad og Ålesundsområdet og i periodar direkte på oppdragsstad. Vedlikehaldslaga har base på land og tek seg fram i arbeidsbåt eller bil. Ein må pårekne å vere heimanfrå heile arbeidsperioden. Vedlikehaldslaga har arbeidstidstidsordning etter eigen særavtale, med om lag 28 veker arbeid/kurs i året. Det er sett opp årleg plan på arbeids- og friperioder. 

Det er planar om å utvide vedlikeholdslaget med eit arbeidslag som får hovudoppmøtestad Ålesund.