Me søkjer ein engasjert og initiativrik dagleg leiar som vil skape aktivitet, fellesskap og samarbeid. Frivilligsentralen held til i dei nyrenoverte lokala på Saften; ein dynamisk møteplass med bibliotek, ungdomsklubb, kultur- og idrettstilbod, kafé og kommuneadministrasjon. Denne samlokasjonen gir unike moglegheiter for frivillig arbeid og lokalt engasjement! 

Me ser etter ein kreativ og sosial lagspelar med gode koordineringsferdigheiter, som vil utvikle tilbod og gjere Leikanger til ein endå betre stad å bu og leve. 

Som dagleg leiar får du ei nøkkelrolle i å knyte saman frivillig sektor, kommunale tenester og lokale aktørar. Du skal gjere Saften til ein stad for liv og røre frå morgon til kveld. Du vil òg samarbeide tett med dei andre frivilligsentralane i kommunen og spele ei viktig rolle i kommunen sitt tverrfaglege team for frivillig arbeid. 

Dine oppgåver 

• Ansvar for dagleg drift av frivilligsentralen  

• Skape engasjement for frivillig arbeid  

• Utvikle Saften som sosial møteplass  

• Samarbeide med frivillige organisasjonar om utviklinga av lokalsamfunnet 

• Søknads- og rapporteringsarbeid  

• Vidareutvikle og drifte utstyrssentralen  

• Vere bindeledd og samarbeide med andre kommunale tenester 

• Noko kvelds- og helgearbeid må påreknast  

Me ser etter deg som er/har 

• Engasjert i frivillig arbeid og lokalsamfunn 

• Oppteken av innbyggjarane sine behov  

• Gode samarbeidsevner og evne til å motivere andre 

• Strukturert, sjølvstendig, fleksibel, nysgjerrig og kreativ 

• Kjennskap til frivillig organisasjonsliv 

• Relevant høgskule- eller universitetsutdanning, ved relevant erfaring kan krav om utdanning fråvikast 

   

Me tilbyr 

• Ein variert og meiningsfull jobb i eit godt arbeidsmiljø 

• Moglegheit til å forme framtida for frivilligsentralen og Saften 

• Gode pensjons- og forsikringsordningar 

• Gode velferdsordningar  

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.  
Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.  

Søknadar må leverast innan fristen og må sendast inn via rekrutteringssystemet vårt  EasyCruit.