Bygg og anlegg er ei næring som er utsett for betydelege konjunktursvingningar og kan gi ein peikepinn på temperaturen i økonomien. Har du interesse for dette området? Har du lyst til å arbeide med programmering og koding, og vil bidra til å vidareutvikle ein maskinlæringsmodell? Då er kanskje du den kandidaten vi er ute etter. 

Bygge- og anleggsnæringa er viktig både lokalt, nasjonalt og internasjonalt. Næringa er ein vesentleg bidragsytar til arbeidsplassar og verdiskaping. SSB har fleire mykje brukte statistikkar som kastar lys over næringa, blant annet byggekostnadsindeksar, bustadprisindeksar, byggearealstatistikk og bustadstatistikk. Vi arbeider òg med ein maskinlæringsmodell for verdsetting av fritidsbustader.

Vi søkjer ein ny kollega til dette utfordrande fagområdet.

Kvalifikasjoner:

• Mastergrad, gjerne innanfor økonomi, datavitskap, samfunnsvitskap, matematikk og statistikk
• Kjennskap til bygg- og bustadområdet som fagfelt
• Programmering og koding i Python eller R
• Kjennskap til maskinlæringsmodellar er ønskeleg
• Relevant arbeidserfaring kan kompensere for krav til utdanning

Personlige egenskaper:

• Evne til å arbeide sjølvstendig
• Evne til å arbeide analytisk
• Gode samarbeidsevner
• God talforståing
• God skriftleg og munnleg framstillingsevne på norsk

Vi tilbyr:

• Jobb i ei verksemd med eit viktig samfunnsoppdrag. Vi har stor tillit hos befolkninga og blant avgjerdstakarar, og som medarbeidar i SSB blir du del av eit stort fagmiljø
• Gode høve for utvikling, samarbeid og nettverksbygging. Vi har nytilsetteprogram, årleg hackathon og arrangement for fagleg deling på tvers
• Løn som førstekonsulent/rådgivar/seniorrådgivar kr. 516 800 - 708 000. Stillingskode og løn fastsetjast ut fra dine kvalifikasjonar. Høgare løn kan vurderast for søkarar som er særs godt kvalifiserte
• Høve til å trene ein time per veke i arbeidstida, med treningsom i kontorlokala
• Fleksitid, betalt overtid og sommartid i perioden 15. mai til og med 14. september
• Medlemskap i Statens pensjonskasse med ein av Noregs beste pensjonsordningar og høve til å søkje om bustadlån med gunstige vilkår

 

• For at vi best mogleg skal kunne vurdere søknaden din, treng vi at du innan søknadsfristen registrerer relevant dokumentasjon i den elektroniske søkjeportalen (attestar, vitnemål osv.). For kandidatar som vi vurderer å tilsetje, kan vi utføre bakgrunnssjekk og kontroll av dokumentasjon.
• Når du søkjer jobb hos oss, vil namnet ditt stå på ei offentleg søkjarliste, som kan bli gjort tilgjengeleg for dei som ber om innsyn i lista. Det er mogleg å få unntak frå å stå på denne søkjarlista. Då må du i så fall grunngi kvifor du ønskjer å få unntak. Vi tek deretter stilling til om vi kan innvilge ønsket ditt. Kan vi
  ikkje det, høyrer du sjølvsagt frå oss.
• SSB skal vere ein god stad å jobbe for alle, og vi ønskjer medarbeidarar med ulike kompetansar, fagkombinasjonar, livserfaring og perspektiv for å løyse framtidas oppgåver. Har du hol i CV-en din, funksjonsnedsetjing eller innvandrarbakgrunn vil vi oppmode deg til å krysse av for dette når du søkjer
  på stillinga. Det gir deg moglegheit for å få positiv særbehandling. Vi inviterer minst éin kvalifisert søkjar frå kvar av desse gruppene til intervju. Dersom du har behov for særskild tilrettelegging, vil vi strekkje oss langt for å imøtekomme behovet ditt.