Me søkjer brannkonstablar til Kvam brann- og redningsvesen.

Kvam brann- og redningsvesen er organisert med deltidspersonell knytt til brannstasjonane på Oma, Norheimsund, og i Ålvik. No søkjer me etter 2 brannkonstablar til Norheimsund stasjon.

Du kan lesa meir om tenesta vår her: Kvam brann- og redningsvesen

 

Arbeidsoppgåver:

• Delta i innsatsstyrke ved brann- og redningsoppdrag, med heilkontinuerlig turnus kvar 5. veke
• Oppretthalda og auka eigen og etaten sin faglege kompetanse gjennom kurs og øvingar
• Halda seg oppdatert på lokalkunnskap og framkomelegheit
• Gjennomføra beredskapsrelatert førebyggjande arbeid
• Vedlikehalda beredskapsmateriell
• Trena og halda seg fysisk skikka til å kunna røykdykka og andre arbeidsoppgåver lagt til tenesta
• Væra ein god ambassadør for Kvam brann- og redningsvesen

Mannskap i alle brann- og redningsvesen skal vera motivert for å hjelpa folk, vera innstilt på, og må samarbeida med kollegaer i brann- og redningsvesen, ambulansepersonell, politiet og andre under øving og innsats.

Kvalifikasjonar:

• Bestått videregåande utdanning på fagarbeidarnivå, eller 3 års yrkeserfaring frå relevant yrke (praktiske fag)
• Du må bu i samme bygda som brannstasjonen ligg i og det er ei føremon om du har ditt daglege arbeid der
• Det er krav om innsatstid.
• Dokumentert løyve frå arbeidsgjevar for å delta i brann- og redningsvesenet må leggjast fram
• Du må ta del i den opplæringa det vert stilt krav om i stillinga
• God fysisk og psykisk helse. Det vert stilt fysiske krav for tenesta som må stettast
• Du må ha tilfredsstillande helseattest, også for røykdykking
• Du må vera symjedyktig
• Førerkort klasse B uavbrutt i minimum 2 år
• Søkjar med utvida førarkort i kl. C vert føretrekt. Alternativt må ein vera villig til å tileigna seg dette
• Plettfri vandel. Den som får tilbud om stilling, må vera førebudd på å leggja fram utvida politiattest
• Beherska norsk skriftlig og muntleg

Tilsetjing forutset bestått fysisk test og helseundersøking

Naudsynleg opplæring er eit sentralt krav, og du må vera førebudd på å be om fri/permisjon frå ditt faste arbeid for å gjennomføre deler av denne

Personlege eigenskapar:

• Du har gode samarbeidsevner, er tilpasningsdyktig og bidreg til god lagånd
• Du vernar om etikk og verdiar
• Du er lærevillig og interessert i kontinuerleg fagleg utvikling
• Du er praktisk og løysningsorientert
• Du er oppteken av HMS og føl instruksjonar og prosedyrar
• Du vert kjenneteikna av eit roleg vesen og rasjonelt tankesett i stressa situasjonar
• Du har ikkje klaustroforbi eller er redd for høgder
• Serviceinnstilt og engasjert
• Raus og inkluderande
• Du er empatisk, fordomsfri og har gode haldningar og møter andre på ein respektfull og open måte

Personleg eigenskapar er viktig i stillinga og vert vektlagt.

Vi tilbyr:

• Ei spennande stilling med utfordrande og varierte arbeidsoppgåver
• Løn etter gjeldande tariffavtale og lokalt lønssystem
• Godt arbeidsmiljø

Generell informasjon:

Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.