Biblioteka i Sunnfjord kommune omfattar i underkant av 7 årsverk. Biblioteka hadde i 2020 over 80 000 utlån og godt over 100.000 besøkande på dei 6 biblioteka i Viksdalen, Sande, Naustdal, Førde, Skei og Vassenden. Biblioteka er ein aktiv arrangør med program for alle aldrar og har samarbeid for drift av skulebibliotek. Tettstaden Sande ligg i ein del av kommunen som dei siste åra har hatt aukande elevtal, og Sande skule er ein kombinert barne- og ungdomsskule med ca. 300 elevar.

Vi skal bygge opp eit kombinert folkebibliotek, skulebibliotek og tenestetorg på Sande, for å gje ei betre samla teneste for innbyggarane.

Vi søker etter:

• bibliotekar i 100 % fast stilling

 Arbeidsoppgåver:

• ansvar for dagleg drift av Sande kombinasjonsbibliotek og vakter på Førde bibliotek. Fordelinga av stillinga er 60% på Sande og 40% på Førde bibliotek.
• utvikle biblioteket som møteplass, kultur- og debattarena
• delta i gjennomføring av utviklingsprosjekt og marknadsføring av tenester
• rettleiing, offentleg informasjon og service for innbyggarane i kommunen
• gje skulebibliotektenester på Sande og samarbeide med lokale barnehagar
• stillinga inngår i biblioteket sin arbeidsplan med både dag-, kveld- og helgevakter

 Krav til søkar:

• minimum 3-årig utdanning frå universitet/ høgskuleutdanning med fagkrets bibliotek
• erfaring frå arbeid i bibliotek og med litteraturformidling for born
• vilje og evne til utvikling av bibliotektenester for framtida
• førarkort klasse B
• erfaring frå arbeid med litteraturformidling for born og bibliotek
• gode kommunikasjons- og samarbeidsevner
• gode norskkunnskapar

Dersom det ikkje er søkarar med relevant utdanning med fagkrets bibliotek, vil andre søkarar med relevant utdanning eller praksis kunne bli tilsett i stillinga. 

 Vi søker deg som har:

• evne til å jobbe sjølvstendig og i team, samt kunne drive egne prosjekt
• vere systematisk og finne gode løysingar i arbeidskvardagen
• relevant digital kompetanse

Vi tilbyr:

• spanande arbeidsoppgåver med stor variasjonsbredde 
• tilsetting etter gjeldande trariffavtalar. Kompetansetillegg kan vurderast for særleg kvalifiserte søkarar
• gode pensjonsordningar gjennom KLP 

Godkjent politiattest av ny dato må leverast før start i stilling. 

Du må søke elektronisk.

Velkomen som søkar!