Grotli Høyfjellshotell er eit fyrtårn for heile Skjåk, der det ligg majestetisk i den opne fjellheimen vest i kommunen. Hotelltradisjonane her går attende til 1880-tallet, og rett ved hotellet tek den Gamle Strynefjellsvegen av frå riksvegen. Nokre kilometer vest for hotellet finn du starten på Geirangervegen, som vanlegvis er open frå tidleg juni til vintersnøen kjem. Den eldste delen av hotellet på Grotli er spesielt stemningsfull – og vertskapet serverer gjerne lokalmat til gjestene sine. Om hausten blir det arrangert "Blues over tregrensa" her.

---

---