Brekke barnehage og skule består av 1-10-skule og to barnehageavdelingar. Barnehagen held til i nybygde lokale. Sjå www.brekke.skule.no for meir informasjon, bilete, årsplanar osv.

Gulen kommune har ledig 70% fast stilling som pedagog frå 15.08.22, for tida ved Brekke barnehage og skule, der 40% av stillinga er som pedagogisk leiar, og 30% er barnehagelærar. 

Barnehagane i Gulen har: 

• Fokus på fagleg utvikling i barnehagane, der idear og innspel frå både nyutdanna og erfarne medarbeidarar vert sett på som viktige ressursar
• Relativt små barnehagar - ein ideell arbeidsstad for nyutdanna pedagogar
• Godt arbeidsmiljø
• Tilbod om rettleiing
• Godt nettverksamarbeid mellom pedagogane i dei ulike barnehagane i kommunen

Arbeidsoppgåver: 

• Planlegge, setje i verk, dokumentere og evaluere det pedagogiske arbeidet i tråd med rammeplanar, lovverk og kommunen sine strategiplanar og fokusområde
• Bistå med å leie, planlegge og involvere resten av personalet i den daglege drifta av avdelinga, i tillegg til samarbeid med føresette og andre samarbeidspartnarar
• Bidra til rettleiing og opplæring på avdelinga
• Delta i den daglege drifta, der oppgåvene er knytt til både grupper av born og enkeltborn

Kvalifikasjonar:

• Utdanning som barnehagelærar
• Gode norskkunnskapar - både munnleg og skriftleg

Personlege eigenskapar:

• Trivst, kommuniserer og samhandlar godt med borna, føresette, kollegaer og andre samarbeidspartnarar
• Kan bidra til eit godt og stabilt arbeidsmiljø for både born og vaksne
• Er ein trygg vaksen og stabil arbeidstakar, og liker å vere aktiv
• Fleksibel, har gode samarbeidsevner og kan vere spontan og kreativ i møtet med borna

• Å vere personleg eigna kan verte vektlagt ved tilsetjing

Anna:

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, PU, i skule og i barnehage, vert det stilt krav om politiattest
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjaren høve til å trekke søknaden sin før offentleggjering