Kjørnes barnehage ligg flott til i byggefeltet på Kjørnes, 4 km utanfor Sogndal sentrum, med gode buss- og sykkelforbindelsar. Me har eit stort uteområde med skog, fjordutsikt og varierte leike- og turområde. Barnehagen har fem avdelingar og legg stor vekt på fysisk aktivitet, friluftsliv heile året og barns medverknad i mat- og måltidsaktivitetar. Me har eige gymrom, variert utemiljø med klatrevegg, varriert terreng og ein stor trelavvo som fungerer som uteavdeling.

No har me ledig 100% fast stilling som barnehagelærarar frå 04.08.2025. Det kan bli fleire ledige stillingar, og søkjarar frå denne utlysinga kan bli vurderte til andre stillingar seinare i vår/sommar.

Arbeidsoppgåver:

• Legge til rette for eit inkluderande og utviklande leike- og læringsmiljø
• Planlegge, gjennomføre, dokumentere og evaluere det pedagogiske arbeidet i samarbeid med pedagogisk leiar
• Bidra til gode prosessar i det pedagogiske arbeidet og samarbeide godt med føresette
• Gi rettleiing og tilbakemeldingar til kollegaer
• Bygge gode relasjonar med barn, føresette og kollegaer
• Vere ein positiv bidragsytar til arbeidsmiljøet

Kvalifikasjonar:

• Godkjend barnehagelærarutdanning eller anna relevant høgskuleutdanning
• Gjerne erfaring frå barnehage
• Ønskjeleg med rettleiarutdanning for praksislærarar
• God norsk skriftleg og munnleg framstillingsevne
• Interesse og erfaring med friluftsliv, fysisk aktivitet og barns medverknad i mat og måltid

Personlege eigenskapar:

• Engasjert, leiken og initiativrik
• Positiv, inkluderande og open for nye utfordringar
• Evne til å skape gode relasjonar med barn, føresette og kollegaer
• Likar samarbeid og trivst i eit aktivt miljø
• Taklar ein variert kvardag med høgt tempo
• Godt humør

Leik er eit prioritert område i Sogndalsbarnehagen                

Leiken har ein eigenverdi for barna som ein positiv og lærande aktivitet. Leikande barn og leikande vaksne er avgjerande i:

• Relasjonsbygginga med barna
• Det førebyggande arbeidet
• Det å skape eit trygt og godt barnehagemiljø for barna

Me tilbyr:

• Ein spennande og meiningsfull jobb i eit godt arbeidsmiljø
• Varierte dagar med leik, friluftsliv og fysisk aktivitet
• Gode pensjons- og forsikringsordningar
• Gode velferdsordningar
• Rettleiing for nyutdanna pedagogar og samling for nytilsette
• Mykje frisk luft i vakker natur
• Tilsettetrening

Sogndal kommune – utfordrarbygda med eit høgt kompetansemiljø 

I Sogndal kommune meiner me at medverknad frå barn, føresette og tilsette vil gje eit trygt og godt barnehagemiljø. Me har derfor fokus på tillitsbasert leiing og me er ein kommune som er framoverlendt og nytenkjande. Gjennom samarbeid og erfaringsutveksling skal du og andre tilsette sikre god kvalitet og utvikling for alle barna i den langstrakte kommunen vår.    

Sogndal kommune sine verdiar «SOGN» pregar Sogndalsbarnehagen: 

Samskapande – Open – God – Nysgjerrig 

Sogndal kommune er ein stad full av unike opplevingar, vakker natur og spanande arbeidsplassar. Dersom du treng tips til kva du kan finne på når du har fri har me aktivitetskalendaren Kva skjer?

Her kan du få tips til aktivitetar innan kultur, idrett og andre arrangement som skjer i dei ulike bygdene våre.  

 

Andre opplysningar:

Politiattest krevst for stillinga.