Ved avdeling for Veg, vatn og avlaup har me ein ledig stilling som administrativ koordinator.

I stillinga som koordinator for avdelinga vil du ha ein nøkkelrolle i å byggje og vedlikehalde kvalitetssystemet vårt, systematisering av HMS arbeidet samt å utvikle fagsystema våre.

Me skal være best i klassen når det gjeld å oppfylle myndigheitskrav til dokumentasjon, ROS analysar etc. og me har også gode fagsystem der koordinator vil ha stor påverknad i korleis me bruker desse og korleis det vert utforma.

Avdelinga er heile tida på leiting etter ny teknologi for der anlegga våre vert digitalisert og kartlagd, og Koordinator vil være sentral i dette arbeidet.

Om Veg, vatn og avlaup

Avdelinga er ein del av tenesteområdet Drift og vedlikehald som i tillegg Veg og VA omfattar avdeling for bygg- anlegg og elektro samt avdeling for reinhald. I avdelinga for Veg, Vatn og Avlaup har me ansvar for drift og vedlikehald av alle kommunale vegar i Alver, produksjon og distribusjon av drikkevatn samt innsamling og behandling av avlaup. Til saman er det 27 medarbeidarar i avdelinga fordelt mellom Veg og VA.

Arbeidsoppgåver

• Drift og vedlikehald av våre fagsystem
• Rapportering til eksterne og interne føremål
• Driftsoptimalisering og utarbeiding av aktivitetsplanar
• Utarbeiding av dokument for ROS analyser, Risikovurderingar, Skriftelege rutinar etc.
• Vaktplanlegging og bemanningsplanlegging
• Kompetanseloggføring, kurs planlegging
• Oppgåver innan ettersyn, service, anlegg og tekniske installasjonar

Kompetanse

• Du har relevant kompetanse innan administrative fag
• Erfaring kan kompensere for formell utdanning
• Gode kunnskapar innan MS365 (Office, Excel etc.)
• Førarkort klasse B
• Må meistre norsk (nynorsk) munnleg og skriftleg godt
• Relevant arbeidserfaring 

Personlege eigenskapar

• Du er strukturert og har ei systematisk arbeidsform
• Du er god på samarbeid og kommuniserer godt med andre
• Du tar initiativ og har god gjennomføringsevne
• Du er service- og løysingsorientert 
• Du har evne til å jobbe sjølvstendig og bidra i eit godt team

Vi tilbyr

• Utfordrande, meinigsfulle, varierte og sjølvstendige arbeidsoppgåver
• Fagleg utvikling
• Triveleg arbeidsmiljø med dyktige og kompetente kollegaer
• Gode pensjon- og forsikringsordningar gjennom KLP
• Lønn og tilsetjingvilkår etter lov- og avtaleverk
• Trygg og god arbeidsplass

Slik søker du

Trykk knappen "send søknad". Dess meir du fyller ut, dess betre vert du sjåande ut på søkjarlista. Dersom du har behov for hjelp med registrering av søknad, kontakt innbyggjarservice på 56 37 50 00. Rekrutterarar ber aldri om BankID i samband med rekrutteringsprosessen. Som jobbsøkjar må du aldri avgje sånn informasjon i samband med søknadsprosessen. Om du opplever dette, ber vi deg ta kontakt.  

 

Bli kjent med Alver kommune