Har du lyst på ein spennande arbeidskvardag i Bemanningseininga?

Bemanningseininga er ei eining som skal formidle kompetanse og arbeidskraft ved fråvær til ulike einingar i omsorg. Dette er arbeidsplassen for deg som er har treårig helsefagleg utdanning eller er helsefagarbeidar, som ønsker høg grad av fagleg utvikling, og likar varierte oppgåver.

Vi er på jakt etter deg som er fagleg dyktig, er kreativ og som trivast med utfordringar. Vi ser føre oss at du likar å arbeide på ulike einingar, er tilpassingsdyktig og ønsker fast jobb med tilbod om 100 % stilling.

Vi har ledig:

• 100 % faste stillingar for treårig helsefagleg utdanning eller helsefagarbeidarar.

Stillingane er i todelt turnus med arbeid kvar 3. helg, og får ein turnus som i stor grad vil vere tilpassa deg individuelt. Då det er fleire einingar i omsorg som har innført bruk av langvakter, vil vi vurdere fortløpande om dette er ei turnusordning vi kan tilby i Bemanningseininga. Vi har også høgt fokus på helsefremjande arbeidstidsordningar.

Vi tilbyr eit tillegg på kr 20 000 pr. år for å arbeide i Bemanningseininga.

Hos oss får du omsorg, god oppfølging og ein unik moglegheit til å bli kjent med mange einingar og fagområde. Du kan velje einingar og geografisk område du ønsker å arbeide i.  Dette vil vere minimum tre einingar. Du får også vere på andre einingar, då det vil vere noko styrt utifrå behov i dekking av fråvær. Du får god opplæring på kvar enkelt avdeling.

Om du har moglegheit for å arbeide ved einingane i sentrumsområda Sande, Naustdal og Skei, må du gjerne vise til dette.

Vi har fokus på kompetanseauke og vi har også våre eigne fagdagar. I Bemanningseininga får du moglegheit til å vere med på å vidareutvikle ei ny eining.

Kvalifikasjonar

• godkjent norsk autorisasjon som sjukepleiar, vernepleiar eller helsefagarbeiar
• helsefagleg utdanning frå høgskule                                                                                                             
• beherske godt norsk, skriftleg og munnleg
• gode IT- kunnskapar
• førarkort klasse B

Politiattest av nyare dato må leverast før start i stilling.

Vi søker deg som:

• har gode samarbeids- og kommunikasjonsevner
• er fleksibel, kreativ, nytenkande og løysingsorientert
• har evne til å skape samhald og eit godt arbeidsmiljø
• har stor arbeidskapasitet og gjennomføringsevne
• har evne til å arbeide sjølvstendig og i team

Kva tilbyr vi?

• engasjerte kollegaer og leiarar
• eit inkluderande miljø og god samhandling
• eit pasientnært og fagleg fokus
• ein kommune i bevegelse mot digitalisering, innovasjon og tenesteutvikling
• tilstadeverande leiing
• ein arbeidsplass du kan vere stolt av
• gode løns- , pensjons- og forsikringsordningar
• kompetansetillegg for relevante vidareutdanningar

Om arbeidsplassen

Sunnfjord kommune har etablert omsorgstenester i sentrumsområda, Førde, Naustdal, Sande og Skei. Tenesteområda er institusjon, heimetenester, bu- og miljøteneste og butiltak psykisk helse. Vi har spesialiserte tenester innan rehabilitering og korttidseining. Som tilsett i Sunnfjord kommune identifiserer du deg med våre verdiar; engasjert, inkluderande og nær.

Verkar dette interessant ?

Ta kontakt for ein uforpliktande samtale med einingsleiar for bemanningseininga, Aud Marie Åsen tlf. 476 34 735.

Du søker elektronisk.

Velkomen som søkar, vi ser fram til å høyre frå deg!