Sula kommune har ledig 100 % fast stilling som miljøterapeut i Bu- og aktivitetstenesta. Stillinga er kombinert mellom miljøarbeid i bustad og Sula kommune si verksemd for tilrettelagt aktivitet og arbeidstilbod. Stillinga er for tida lagt til avdeling Nymarkvegen og Molvær senter.

Bu- og aktivitetstenesta yter tenester til personar med ulike typar nedsett funksjonsevne. Tenestemottakarane er personar med funksjonsnedsetting som skuldast medfødde eller erverva tilstandar. Tenesta omfattar praktisk bistand, personleg hjelp, målretta miljøarbeid i heimen, sysselsetting , aktivisering og opplæring ved arbeidssenter/dagsenter, privat avlastning og avlastning i institusjon, støttekontakt og brukarstyrt personleg assistanse.

Molvær senter er ei produksjonsverksemd som gir tilbod om sysselsetting, aktivisering og opplæring til personar med ulik grad av funksjonshemming. Senteret består av fem avdelingar og tilbyr stor variasjon i aktivitet og arbeid. Senteret er lokalisert saman med vaksenopplæringa. Stillinga som er lyst ut vil bli knytt til avdeling for industri og service, men ein vil etter kvart få anledning til å arbeide med dei øvrige avdelingane .

Nymarkvegen yter praktisk og personleg bistand til 12 tenestemottakarar, der dei fleste har tilgang på døgnbemanna personalbase. Hjelpebehovet varierer frå tilsyn heile døgnet, til praktisk og personleg bistand.

Turnusordninga er langvakter på helg med inntil 14 timar. På kvardagar er det ordinære vakter på dag/ettermiddag.

Stillinga er ledig frå snarast.